EZRA 5:2 - AMÜSÜH HÜM CL Bible (BSI)

² Jumonü Shealtiel tsührü Zerubbabel tüsho Jehozadak tsührü Jeshua anenü tsahmusude yübah, Jirusalem ching arüngyam thsülopü tankih, tüsho wukihrü mahne junü arü rung.

EZRA 5:2 Iomraidhean Croise

EZRA 1:8

Persia kiulongthsüpuh Sairusnü harü rahpung mütsanmükhibuh Mithredath khah chingnü hande arübah Juda kovünor Sheshbazzar, ki mütsanmükhide jih.

EZRA 10:18

Khiungkeberü yihlurü athrürübo harü ah: Amükeamrü yamkhün chingnü: Jozadak tsührü Jeshua tsührübo tüsho akeoniorübo: Maaseia, Eliezer, Jarib, tüsho Gedalia.

EZRA 3:2

Jushu Jozadak tsührü Jeshua buhtsührü amükeamrübo, tüsho Shealtiel tsührü Zerubbabel, api keoniorübo de nungbah Thrünpuh mihtsürü Mosa yakzan hüm ching thrüta lakhi yande Israel Thrünpuh kilim taka kingaünpü arüngyam thsülo.

EZRA 3:8

Arü Thrünpuh yam lapung Jirusalem ching alungbah kam mahne kheak khinu mahnepü ching, Shealtiel tsührü Zerubbabel, Jozadak tsührü Jeshua tüsho aningkhi arü buhtsührü amükeamrübo, Levirübo tüsho ramtso chingnü Jirusalem lim alungrü alalanü rhimopü tankih tüsho Levirü kam muku kumung azorübo Atungpuh yam thsükhi kheahshihpü mokhit.

EZRA 6:14

Wukihrü Haggai le Iddo tsührü Zekaria bünenü thsangyude mulong toshihkhi hode, Jihudarü limberübonü arüngyam thsüde jakih. Israel Thrünpuh, Sairus, Darius tüsho Persia kiulongthsüpuh Artazerzes pürünü abekhi nangde arünü arüngyam thsükham.

HAGGAI 2:18

Ha nimung, khinu tuku, nimung mukukheak phüyi ninü lümakheahang. Atungpuh arüngyam khimtankhi nimungnü ründe, lümakheahang:

ZEKARIA 4:14

Jushu apinü tha, “Hane ha alomi athrünkhi Tungpuh ki zhiprü mujude-mokhitkhi ah.”

ZEKARIA 4:4

Inü I ki asukachihbuh yunirü ki tha, “ I tungpuh, harü ha tümü a?”

ZEKARIA 6:11

Shotoyinchi tüsho suna luang tüsho kuthran thsüang, tüsho Jehozadak tsührü Achangbe Amükeambuh Jihusua ku kheak yihkihjang;

ZEKARIA 8:9

Wuto Atungpuhnü ha thachoh: Mulong toang! I yo arüngyam thsülopü thsungkheak khimtan thsüchoki wukihrübonü asukkhi yubo nüsanü kheakü sode lah.

2 KORINT 1:24

Nüsa akin kurungkheak isanü thiyuzüng mahori, tüshe nüsa asühpü thsüde rukhüh rhimorübo ah; tümüde akin hode nüsa düküngde zhiplah.