EZRA 4:9 - AMÜSÜH HÜM CL Bible (BSI)

⁹ “Limthobuh Rehum, athrütbuh Shimshai, rukhüh rhimorü, mahkhaprü, tüsho Elam lomi ching mihkhung larü, Erek, Babilon tüsho Susa ching larü ato thsürübo,

EZRA 4:9 Iomraidhean Croise

THRÜNTAN 10:22

Shem tsührübo: Elam, Asshur, Arphaxad, Lud tüsho Aram.

2 KIULONG THSÜRÜ 17:24

Asiria kiulongthsüpuhnü mihtsürübo Babilon, Kutha, Avva, Hamath, tüsho Sepharvaim chingnü bede arü, tüsho Israel müthri Samaria ching arübo lashih; arünü Samaria yamalo lu, tüsho kiutobo ching la.

EZRA 4:8

Junangde limthobuh Rehum tüsho athrütbuh Shimshai anenü Artazerzes kilim Jirusalem azhihde kihüm ha ruk thrüt:

EZRA 5:3

Judüki Euphra kethripkhüh lakhi kovünor Tattenai, Shetharbozenai tüsho arü rukhüh tankihrübo nungde Jirusalem lim arübah arü ki keokhi: “Ha arüngyam thsülopü tüsho chipi thsükhipü shenü thiyukhüm jihkhea?”

EZRA 5:6

Euphra kethripkhüh lakhi Kovünor Tattenai, Shethar-bozenai tüsho api müyamrü kethripkhüh lakhi atorübonü Darius kiulongthsüpuh kilim kihüm thrüt.

EZRA 6:6

Dariusnü thiyusheak ha ruk yüshih: “Kethripkhüh lakhi kovünor Tattenai, Shethar-bozenai tüsho nü lung rhimorü atorübo arüngyam kinü akhinang;

NEHEMIA 4:2

Amüyamrü tüsho Samariarü bonungrü mikinü apinü tha, “Harü süküp mülarü Jihudarübo tümü thsücho? Arünü kiuto thsülokhukba de? Arünü rhangdung shuhmülanga jihba de? Arünü nimungkhühnü rhimo banba de? Atakkheamkhi lungbonü arünü thüyam thsülokhukba shi?”

ESTER 1:2

Susa kiulongthsü-binkiu chingnü yakzan shuh,

ESTER 2:3

Tüsho nü bukkhüp atorübo thiyia kiulongthsü aban chingnü anünürü jaktsübo yima handarünü ha Susa kiuying ching nü yam khiungshak aliberü binpung binshang. Arü kümbuh Hegai dukhanü jaktsü-mujumürabe jihde mujushang.

ISAIA 21:2

I ki michih amuthsuk thaa lah; mülapyukrünü mülapyukchoh, tüsho athsümünimrünü thsümünimchoh. Wutuang, O Elam, yandoang, O Midia; anihbenü thsünüshihkhi alala inü akheam thsüshihbah.

JEREMIA 25:25

Zimri kiulongthsürü alala, Elam kiulongthsürü alala, tüsho Midia kiulongthsürü alala;

JEREMIA 49:34

Juda kiulongthsüpuh Zedekia kiulongthsü atankih ching, Elam dünkheak Atungpuh yu wukihbuh Jeremia kilim arükhi ha lah.

EZEKIEL 32:24

Elam ju ching lah, tüsho mihbonü akiuyuk mükamdolah; arü alala nukshangnü laksah-a yapshihlah. Rhangdung lapung lomi ching atrebe bushihrü alala tsütamübahde Ashe-lomi ching yüzahdo. Arübo alokhün ching yüzahrü lung achih ngüde lah.

DANIEL 8:2

Michih ching inü kheahde alakheah tüsho I ju Susa kiuying, Elam lomi ching lade ngü, tüsho I Ulai ayung ki lakheah.

YUNIRÜBO RHIMO 2:9

Parthiarü, Midiarü, Elamrü; Mesopotamia, Judea, Kappadokia, Pontus tüsho Asia,