EZRA 4:7 - AMÜSÜH HÜM CL Bible (BSI)

⁷ Artazerzes Persia kiulongthsüchoki she Bishlam, Mithredath, Tabeel tüsho rukhüh rhimorübonü kiulongthsüpuh kilim kihüm thrüta jih. Kihüm ju Aramik khahthrütnü dokihbah Aramik yuthanü khea huh.

EZRA 4:7 Iomraidhean Croise

2 KIULONG THSÜRÜ 18:26

Judüki Hilkia tsührü Eliakim, Shebna, tüsho Joanü limthobuh ki tha, “Muzhobah nü yamlarübo ki Aramik yu chingnü thaang, tümüde isanü ju anikhitlah; chipi ching larü mihtsürünü sode isa ki Juda yu chingnü dütha.”

EZRA 4:1

Küyimki Juda tüsho Benjamin riribonü, ramtso chingnü alungrü tsührübonü Israel Thrünpuh Atungpuh arüngyam thsülochoh de asokhea,

EZRA 4:17

Kiulongthsüpuhnü ha thaloa yüshih: “Limthobuh Rehum, athrütbuh Shimshai tüsho rukhüh larübo Samaria tüsho aningkhi aniyüzahlim Euphra ching larü kilim, salüm.

EZRA 4:8

Junangde limthobuh Rehum tüsho athrütbuh Shimshai anenü Artazerzes kilim Jirusalem azhihde kihüm ha ruk thrüt:

EZRA 4:9

“Limthobuh Rehum, athrütbuh Shimshai, rukhüh rhimorü, mahkhaprü, tüsho Elam lomi ching mihkhung larü, Erek, Babilon tüsho Susa ching larü ato thsürübo,

EZRA 5:6

Euphra kethripkhüh lakhi Kovünor Tattenai, Shethar-bozenai tüsho api müyamrü kethripkhüh lakhi atorübonü Darius kiulongthsüpuh kilim kihüm thrüt.

EZRA 7:1

Kam ahihkhüh dunglim, Artazerzes Persia kiulongthsürü thsüchoki, mihtsürü khülang amung Ezra lakheah. Apinü anihbuh jipürü Aron, Achangbe Amükeambuh yande khean: Ezra ju Seraia tsührü, Azaria tsührü, Hilkia tsührü,

EZRA 8:36

Arünü kiulongthsüpuhnü ajihkhi mütsanhüm she lubah Aniyüzahlim Euphrarü kovünor tüsho atorübo kilim jih, tüsho arünü alode mihtsürü tüsho arüngyam thsungkheak arung jih.

NEHEMIA 2:1

Kiulongthsüpuh Artazerzes kiulongthsü kam muku bankhitchoki, Nisan khinu ching api yimtsühde alachoki inü yukhu hande yünü jih. Küyimkishe I mulong tukthsüde api miki muhuhakheah,

ISAIA 36:11

Judüki Eliakim, Shebna, tüsho Joanü Rabshake ki tha, “Muzhobah nü yamlarübo ki Aramik chingnü asukang, tümüde isanü ju anikhitlah; rhü ki larü mihtsürünü sode Ibri yutha chingnü isa ki dasuk.”

DANIEL 11:2

“Tüsho kheakü inü nü ki thiyuro thabah. Kheahang, kiulongthsürü mahsam Persia ching asürübah; tüsho aphüyipü khülang ju arü alala kheaknü khide alarü labah; tüsho küyimki api lakhitbo hode api sühmüh lade akambanü, apinü Greek kiulongthsü alala azhihde rhumüneanbah.

DANIEL 2:4

Kaldearünü Aramik yu chingnü kiulongthsüpuh ki tha, “ O kiulongthsüpuh, kutsüpde laang! Nü yamlarübo ki milim kheanang, tüsho isanü thanaka huhbah.”