EZRA 4:24 - AMÜSÜH HÜM CL Bible (BSI)

²⁴ Arüngyam rhimokhi tukloabahbah Persia kiulongthsüpuh Darius, kiulongthsü mahnepü kam khiungde zokheam.

EZRA 4:24 Iomraidhean Croise

EZRA 3:8

Arü Thrünpuh yam lapung Jirusalem ching alungbah kam mahne kheak khinu mahnepü ching, Shealtiel tsührü Zerubbabel, Jozadak tsührü Jeshua tüsho aningkhi arü buhtsührü amükeamrübo, Levirübo tüsho ramtso chingnü Jirusalem lim alungrü alalanü rhimopü tankih tüsho Levirü kam muku kumung azorübo Atungpuh yam thsükhi kheahshihpü mokhit.

EZRA 4:23

Ha kihüm Artazerzesnü athrütkhi Rehum, Shimshai tüsho rukhüh larübo ki khea huhkhi yanalünde, arünü nanachihde Jirusalem lim yübah Jihudarübo kiuto thrünlokhi ju thsühnuk shuhbah yankhiabah.

EZRA 4:5

tüsho arü lümkhi mukhiungshihpü arü azhihde Persia kiulongthsüpuh Sairus tüsho Darius yakzan shuhkhi kim amuyungnü atorübo buknimde rhimo.

EZRA 5:1

Judüki wukihrü mahne, Iddo tsührü Haggai tüsho Zekaria anenü Israel Thrünpuh mung chingnü Juda le Jirusalem ching larü Jihudarü ki müchitpü tankih.

EZRA 5:5

Tüshe Thrünpuhnü Jihudarü limberü kurungkheak kheahde alakheah, tüsho Persia kiulongthsü atorübonü arünü Darius kilim thrütbah alo-hüm müngüyichokia mutuklodü lang rhimoshih.

EZRA 6:1

Junangde Darius kiulongthsüpuhnü Babilon ching kiuthsü yakzan hüm zopung ching yimshihpü thiyukhüm jih.

EZRA 6:14

Wukihrü Haggai le Iddo tsührü Zekaria bünenü thsangyude mulong toshihkhi hode, Jihudarü limberübonü arüngyam thsüde jakih. Israel Thrünpuh, Sairus, Darius tüsho Persia kiulongthsüpuh Artazerzes pürünü abekhi nangde arünü arüngyam thsükham.

EZRA 6:15

Arünü ha arüngyam Darius kiulongthsü athurukpü kam Adar khinu nimung asam ni thsükhi.

NEHEMIA 6:3

Jumonü yunithsürü thiyia thiyusheak hanbah arü ki yünü thashih, “I rhimo adungto rhimochoh dale I makikhuk. Nüsa shorupü akipü thsungkheaknü I rhimo tuklobea de?”

NEHEMIA 6:9

Isa sühmüh mülade rhimo tukloshihpü thsüde arünü amüzünpü mürang. Tüshe inü tamkhüntamnü, “Tütüshe, Thrünpuh I reangzahshang!”

JOB HU H T ANYU 20:5

mihbukmuyuk asühpü khihlah, tüsho Thrünpuh mümükheahrü asühachihpü kim anükhüh lang ah?

DANIEL 11:2

“Tüsho kheakü inü nü ki thiyuro thabah. Kheahang, kiulongthsürü mahsam Persia ching asürübah; tüsho aphüyipü khülang ju arü alala kheaknü khide alarü labah; tüsho küyimki api lakhitbo hode api sühmüh lade akambanü, apinü Greek kiulongthsü alala azhihde rhumüneanbah.

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

HAGGAI 1:1

Darius kiulongthsü mahnepü kam khinu thuruk, atan ni wukihbuh Haggai hode Shealtiel tsührü, Juda kovünor Zerubbabel, tüsho Jehozadak tsührü, achangbe amükeambuh Jihusua kilim Atungpuh yu arü:

HAGGAI 1:15

kiulongthsüpuh Darius kam mahnepü, khinu thuruk nimung mukukheak phüyi nipü lakheah.

HAGGAI 2:15

Tüshe kheakü, khihninü tümü dünjibanü lümakheahang. Atungpuh arüngyam ching lung khülang kheaknü lung khülang kheangkih-a lang lachoki,

HAGGAI 2:18

Ha nimung, khinu tuku, nimung mukukheak phüyi ninü lümakheahang. Atungpuh arüngyam khimtankhi nimungnü ründe, lümakheahang:

ZEKARIA 1:1

Darius kam mahnepü, khinu tizheah ching Iddo tsührü Berekia tsührü wukihbuh Zekaria kilim Atungpuh yu arü:

1 TESALONIKA 2:18

isanü nüsa kilim arüpü mulongdo–I Paulnü alochode mürangdo–tüshe amüneannü isa zhipdokheah.