EZRA 4:12 - AMÜSÜH HÜM CL Bible (BSI)

¹² “ Kiulongthsüpuhnü mükheahshihnekhi ju, Jihudarübo nü kilimnü aturünü Jirusalem ching isa lung arübah ha amünean tüsho yakzanazhih kiuto thrünlochoh. Arübo rhü zünmusudo tüsho banmuroh.

EZRA 4:12 Iomraidhean Croise

2 KIULONG THSÜRÜ 18:20

Yancho yubo ju thirithsü thsungkheak lümkhi tüsho sühmüh de nünü lümcho de? Nü kheakü she kheak düthsün angübah I azhihkhea?

2 KIULONG THSÜRÜ 24:1

Api nimungbo ching Nebukednezar Babilon kiulongthsüpuh atu; Jehoiakim kam mahsam api yamlarü kamabah; apinü rholo tüsho api azhih.

2 KIUTHSÜYUKHEAN 36:13

Apinü Thrünpuh mung ching anihbuh ki thiyuchihchimshihkhi kiulongthsüpuh Nebukednezar kheak she azhih, apinü anihbuh hung chungthülang tüsho Atungpuh Israel Thrünpuh kilim rholopü api mulong müküpde kam.

EZRA 4:11

Kihüm thrütkhi ju ha: “Artazerzes kiulongthsüpuh kilim, ayamlarübo aniyüzahlimrü Euphrarü kilimnü.

EZRA 4:15

Junangde nüsa jipürünü thrüta zokhi thiyukhüm ha jih-a yimshang. Jude athsükhinü ha kiuto yakzan-azhihrü tüsho adüso kim chingnü lomi ching kiulongthsürü tüsho yakzanshuhrü phümüsüp jihpung ah de nünü ayimkhitbah. Tüsho harü mihtsürübo ha yakzannü mürhükkhukde arüchoh. Ju hode lang kiuto thsümünimkheah.

EZRA 4:19

Atsangashua kheahshihpü inü thiyukhüm jihdo, tüsho Jirusalem ha adüso lün chingnü kiulongthsü yakzan-azhihrü tüsho phümüsüp jihrünü lang mibah laa lah de yimkhitdo.

EZRA 5:3

Judüki Euphra kethripkhüh lakhi kovünor Tattenai, Shetharbozenai tüsho arü rukhüh tankihrübo nungde Jirusalem lim arübah arü ki keokhi: “Ha arüngyam thsülopü tüsho chipi thsükhipü shenü thiyukhüm jihkhea?”

EZRA 5:9

Tüshe isanü azothsürübo ki, ha arüngyam tüsho chipi thsülopü shenü thiyukhüm jihbah ha banshihcho de keokhi.

NEHEMIA 1:3

Tüsho arünü I ki tha, “Lomi ching rhangdung larü ramtso chingnü alunglorübo thsümütsü ato ching lah tümüde arü hingrü khiungkerünü arü junode lah; Jirusalem chipi she kheakü khiungde keama yaplah, tüsho chipimurungbo she monü takabahdo.”

NEHEMIA 6:6

Ha ruk thrüt, “Nü tüsho Jihudarübonü mührü azhihde münitpü thsüde chipi thsülokhi hode mühi lomibo ching arhunganimchoh de Geshemnü I ki tha, jumonü nünü chipi thsülochoh. Tüsho arü kurungkheak nü kiulongthsüpuh thsübah de thado.

ESTER 3:8

Hamannü kiulongthsüpuh ki tha, “Nü kiulongthsü bukkhüp trük khülang lah. Arünü püpürü kheaknü büthsüde yakzan ahorichoh. Ju lang yung, arünü nü yakzan mani, jumonü judürü mihtsürü kheak amümürang thsübe yung.

JEREMIA 52:3

Atsütsü, Jirusalem tüsho Judanü Atungpuh khide bukakhiukshih, junangde apinü arübo amikinü yankhitabah. Zedekianü Babilon kiulongthsüpuh azhih.

DANIEL 3:8

Jumonü, ha kim ching Kaldearü khürü mikhuh ching arü tüsho Jihudarü azhihde tha.

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

LUKNÜ ATHRÜTKHI THIYUSHEAK-ATSÜ HUHTANYU 13:34

“O Jirusalem, Jirusalem, wukihrübo laksahbe tüsho anihbe kilim yüshihrübo rusahbe! Thunu dretonü ajipjipbo aghidükeang khüp bemukhungkhi nangde inü küdükhüh ki nü tsührübo bemukhungpü künkhea, tüshe nünü mümulongde alakheah!

YUNIRÜBO RHIMO 24:5

Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah.

1 TESALONIKA 5:22

amütsü mungjibo chingnü bahkhiang.