EZRA 3:8 - AMÜSÜH HÜM CL Bible (BSI)

⁸ Arü Thrünpuh yam lapung Jirusalem ching alungbah kam mahne kheak khinu mahnepü ching, Shealtiel tsührü Zerubbabel, Jozadak tsührü Jeshua tüsho aningkhi arü buhtsührü amükeamrübo, Levirübo tüsho ramtso chingnü Jirusalem lim alungrü alalanü rhimopü tankih tüsho Levirü kam muku kumung azorübo Atungpuh yam thsükhi kheahshihpü mokhit.

EZRA 3:8 Iomraidhean Croise

1 KIUTHSÜYUKHEAN 23:4

Davidnü tha, “ha chingnü, 24,000nü Atungpuh arüngyam rhimokhi kheahbah tüsho 6000nü atorübo tüsho mahkhaprübo thsübah,

1 KIUTHSÜYUKHEAN 3:17

tüsho Jekonia tsührübo ju Assir, atsührü Shealtiel,

EZRA 10:18

Khiungkeberü yihlurü athrürübo harü ah: Amükeamrü yamkhün chingnü: Jozadak tsührü Jeshua tsührübo tüsho akeoniorübo: Maaseia, Eliezer, Jarib, tüsho Gedalia.

EZRA 2:2

Arü limbede alungrübo ju Zerubbabel, Jeshua, Nehemia, Seraia, Reelaia, Mordekai, Bilshan, Mispar, Bigvai, Rehum tüsho Baana. Israel mihtsürü wühkhe:

EZRA 3:2

Jushu Jozadak tsührü Jeshua buhtsührü amükeamrübo, tüsho Shealtiel tsührü Zerubbabel, api keoniorübo de nungbah Thrünpuh mihtsürü Mosa yakzan hüm ching thrüta lakhi yande Israel Thrünpuh kilim taka kingaünpü arüngyam thsülo.

EZRA 4:24

Arüngyam rhimokhi tukloabahbah Persia kiulongthsüpuh Darius, kiulongthsü mahnepü kam khiungde zokheam.

EZRA 4:3

Tüshe Zerubbabel, Jeshua tüsho Israel guk aban azothsürübonü arü ki alo, “Isa Thrünpuh arüngyam thsüpü nüsa arung yihnüpü müla. Persia kiulongthsüpuh Sairus nü amülükhi yande, Israel Thrünpuh arüngyam ju isanü lang athsübah.”

EZRA 5:16

Junangde Sheshbazzar arübah khimtan khimjih; judükinü khihni khiungde thsüde arüchoh, tüshe ju kheakü khiungde müthsükhiyi.’

EZRA 5:2

Jumonü Shealtiel tsührü Zerubbabel tüsho Jehozadak tsührü Jeshua anenü tsahmusude yübah, Jirusalem ching arüngyam thsülopü tankih, tüsho wukihrü mahne junü arü rung.

HAGGAI 1:1

Darius kiulongthsü mahnepü kam khinu thuruk, atan ni wukihbuh Haggai hode Shealtiel tsührü, Juda kovünor Zerubbabel, tüsho Jehozadak tsührü, achangbe amükeambuh Jihusua kilim Atungpuh yu arü:

ZEKARIA 4:9

“Zerubbabel khahbonü ha yam khimtan thsüdo; api khahbonü ju she athsükhibah. Judüki Wuto Atungpuhnü I nüsa kilim thiyikheah de nüsanü amükheahbah.

ZEKARIA 6:12

api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

WÜHKHE 4:3

kam 30nü akumung tüsho kam 50 khiungde, ashorupung khimyam tankihpü ching yüzahkhukpü thsüde kheang.