EZRA 3:7 - AMÜSÜH HÜM CL Bible (BSI)

⁷ Arünü lungzünrü tüsho yümzüyümdorü jihshihpü sho jihchung tüsho Tair le Sidon kiutobo ching cedar sangthulung Lebanon chingnü Joppa khiungde keto chingnü handarüde alakhi ching jihshihpü tsühyungpü, tüsho oliv müdangkebo jih. Harü alala Persia kiulongthsüpuh Sairus yu hode lang rhimo.

EZRA 3:7 Iomraidhean Croise

2 SAMUEL 5:11

Tair kiulongthsüpuh Hiramnü yunithsürübo, cedar sangbo, sangrhimosorü tüsho lungzünrü bebah David yam thsüpü yüshih.

1 KIULONG THSÜRÜ 5:6

Jumonü Lebanon ching lakhi cedarbo I khilim kiushakpü thiyukhüm jihang. I yamlarübonü nü yamlarübo lung arihbah, tüsho nü yamlarübo thsungkheak nünü tümüpürü mihkhahbo jihdünü inü nü kilim jihbah; tümüde Sidonrü nangde sang-rhütsorü isa bolung sheshe müla de nünü mükheahlah.”

2 KIULONG THSÜRÜ 12:10

Küyimki arünü shotsüm ching sho hihde angüba, kiulongthsüpuh yo athrütbuh tüsho achangbe amükeambuhnü wutubah Atungpuh yam ching lakhi sho ju khe, tüsho qiuqiu ching rhükdoa lu.

2 KIULONG THSÜRÜ 12:13

Tüshe Atungpuh yam thsungkheaknü shotoyinchi müsühmüra-phuru, mokhobe, phurusük, hulipungpungbo, yungsho suna le shotoyinchi kukrukbo, Atungpuh yam ching lude arükhi shonü jihbah müthsü,

2 KIUTHSÜYUKHEAN 34:10

Arünü ju Atungpuh yam rhimo kheahrü kilim jih, tüsho Atungpuh yam rhimorübonü ju arüngyam asuhlopü tüsho athsülopü jih.

EZRA 3:6

Mihtsürübonü arüngyam thrünlopü mütankihyia lalashe, khinu thüne nimung atan ni Atungpuh ki taka kingaün jihmusu.

EZEKIEL 27:17

Juda tüsho Israel lominü nü lung yinzüyindo; wheat hi, minnith, danji, mukhuke, müdangke, tüsho molikenü nü kukrukbo müthriachih.

JONA 1:3

Tüshe Jonanü Atungpuh mikinü Tarshish lim tsopü tsahmusu. Apinü Joppa ching yüki tüsho Tarshish lim yükhi sangkung khülang ngü; jumonü apinü hantsah-trün ju jih tüsho Atungpuh mikinü tsokhide Tarshish lim yüpü sangkung kheak yükih.

YUNIRÜBO RHIMO 12:20

Kheakü Herodnü Tair le Sidon mihtsürü kheak bukakhiukde alakheah; jumonü arünü bo khülang thsübah api shorupü yü. Akhuhde arü rungshihpü arünü kiulongthsüpuh-yam atorü Blasta ju shukheam. Jushu arünü Herod ki yübah mungtsü thsungkheak keokhi tümütüsho arü lomi tsühyungbebo ju kiulongthsüpuh lomi chingnü ngüde alakheah.

YUNIRÜBO RHIMO 9:36

Joppa ching aliberü akinrü amung Tabitha (Greek yunü Dorka, amütsan shihmüchi) lakheah. Alibe ju rhimo atsü tüsho rungzürungdo rhimonü mide alakheah.

YUNIRÜBO RHIMO 9:38

Lydda ju Joppa phünide alakhinü ju ching Peter lah de akinrübonü sobah api ki mushushihpü mihtsürü mahne yüshih, “Muzhobah mashude isa kilim arang.”

YUNIRÜBO RHIMO 9:43

Tüsho apinü Joppa ching nimung ashang shihküp-rhimorü Simon lung la.