EZRA 3:11 - AMÜSÜH HÜM CL Bible (BSI)

¹¹ Arünü aloachihde Atungpuh mung shikhi khün thsü: “Atungpuh tsülah, tüsho api mihmüthsüm Israel thsungkheaknü akheamarün müla.” Mihbüm abannü nihbe düsheak achangnü zhide Atungpuh mung shi, tümüde arüngyam khimtan ju tankih.

EZRA 3:11 Iomraidhean Croise

1 KIUTHSÜYUKHEAN 16:34

O Atungpuh kilim makshe jihang, tümüde api tsülah; tümüde api amuzho lünnü lah.

1 KIUTHSÜYUKHEAN 16:41

arü lung Heman tüsho Jeduthun, tüsho aningkhi Atungpuh kilim makshe jihshihpü mung jide mokhit, tümüde api muzho lünnü lah.

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

2 KIUTHSÜYUKHEAN 7:3

Küyimki mo tüsho Atungpuh müretah akikhi Israel mihtsürü alalanü angükhea, arünü jing tsahpung kheak arü miro alo lim mükhümde kingaün tüsho Atungpuh ki makshe jihde tha, “Tümütüsho api tsülah, tümütüsho api muzho lünnü lah.”

NEHEMIA 12:24

Hashabia, Sherebia, tüsho Kadmiel tsührü Jeshua pürünü arü keoniorü lung nungbah Thrünpuh mihtsürü, kiulongthsüpuh Davidnü thsangdankhi yande, bo mahnenü aloachihde Thrünpuh mung shi.

NEHEMIA 12:40

Jumonü makshe jihrü boto mahne Thrünpuh yam ching zhip, tüsho I lung atorü chamshakkhüh lakheah;

MUNGSHIKHÜN 100:5

Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.

MUNGSHIKHÜN 103:17

Tüshe Atungpuh amüthsüm ju api trerü kilim akheam mülanü akheam müla khiungde, tüsho api thiyuro-lungki ju tsührü tsührübo khiungde lah,

MUNGSHIKHÜN 106:1

Atungpuh shiang! O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah.

MUNGSHIKHÜN 107:1

O, Atungpuh kilim makshe jiang, tümüde api tsülah! tümütüsho api amüthsüm lünnü rünkhiungde lah.

MUNGSHIKHÜN 118:1

O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah!

MUNGSHIKHÜN 131:1

Atungpuh , I mulong mükükheang, yungsho I mükbo mümüzhing. Inü I thsungkheaknü achakato yungsho khide amüyinsahbe mülümrhih.

MUNGSHIKHÜN 135:3

Atungpuh shiang, tümüde Atungpuh tsülah; api mung müshi khünbo thsang, tümüde api amuzho lah.

MUNGSHIKHÜN 47:1

Mihtsürü alala, nüsa khah damang; asühde Atungpuh ki zhiang.

MUNGSHIKHÜN 47:5

Thrünpuh a ahode, Atungpuh a hulipungpung khungde yükihdo.

ABEKHIT 15:21

Tüsho Mariamnü arü ki khün thsü: “Atungpuh ki khün thsang, tümüde apinü müretahde kukdo; khora tüsho aberü apinü keto ching jipyuk.”

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

HAGGAI 2:3

Nüsa bolung ha yam adüso tsüdakkhi ngürü sherü aninga la? Nüsanü kheakü küde kheahcho? Nüsa mük ki ha tümü nangde yung de?

ZEKARIA 4:7

Nü she a, O müzüng ato? Zerubbabel miki nü adükhün kambah; tüsho nünü amükham-lung yukchoki mihtsürübonü azhibah, ‘ Akhamlah, akhamlah!’ ”

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.

JIHUSUA 6:10

Tüshe Jihusuanü mihtsürübo ki thiyukhüm jih, “Inü thiyukhüm jihkhi nimung mukhungyikia daho tüsho thiyubüm khülang she dakhiuk, jushu lang ahoang.”

JIHUSUA 6:16

Tüsho thüne nipü, küyimki amükeamrübonü hulipungpung mütkhea, Jihusuanü mihtsürübo ki tha, “ Ahoang! Tümüde Atungpuhnü kiuto nüsa kilim jihdo.

JIHUSUA 6:5

Jushu arünü achangnü khülang ki mütbah, ju soakede, mihtsürü alalanü achangnü ahoang, tüsho kiuto ju alungbah. Ju yande bonungrü lüpdükhi kiuto ching buh mikhuhnü yüzahbah.”