EZRA 3:10 - AMÜSÜH HÜM CL Bible (BSI)

¹⁰ Küyimki arüngyam thsüpü khimtan thrünmusukhea, amükeamrübonü shulünkhim phuyubah hulipungpung arü khah ching shuhbah wusu tüsho Asaph buhtsüh Levirünü larüp shuhbah kiulongthsüpuh Davidnü amülükhi yande Atungpuh mung shi.

EZRA 3:10 Iomraidhean Croise

1 KIUTHSÜYUKHEAN 15:24

Shebania, Joshaphat, Nethanel, Amasai, Zekaria, Benaia, tüsho Eliezer, amükeamrübonü Thrünpuh sangdan müngüh hulipungpungbo müt. Obed-edom tüsho Jehia ane she sangdan ripit aheangrü thsü.

1 KIUTHSÜYUKHEAN 15:27

David a shulünkhim athünak atsüdakbe phuyu, sangdan shuhpü Levirü alala, tüsho khün thsürü, khün thobuh Kenania arü she ju ruk yih, tüsho David a khimthünak phuyu;

1 KIUTHSÜYUKHEAN 16:37

Davidnü Asaph tüsho api buhtsührübo Atungpuh tangzüng sangdan miki nimung aban sangdan miki yihnüpü lakhi mutukzhakde tankihpü zojih,

1 KIUTHSÜYUKHEAN 16:42

Heman tüsho Jeduthun lung khün düsheak thsungkheaknü hulipungpungbo tüsho larüpbo, tüsho amüsüh khün thsungkheaknü kingzükingdobebo lakheah. Jeduthun tsührübo ripit ching binpü mokhit.

1 KIUTHSÜYUKHEAN 23:5

4000 ripit neakrü tüsho 4000nü inü mungshipü thsükhi khün-khungbe bede Atungpuh kilim mungshi jihbah.”

1 KIUTHSÜYUKHEAN 25:25

thürükheak tizheahpü Hanani, atsührübo tüsho akeoniorü 12;

2 KIUTHSÜYUKHEAN 35:14

Ju dunglim arünü arü le amükeamrübo thsungkheak thsakham, tümütüsho Aron tsühsoniuso amükeamrübo ju taka kingaün tüsho amüdang shihchambo jihpü azhing khiungde mükühbah alakheah; jumonü Levirünü arü le Aron tsühsoniuso amükeamrübo thsungkheak tsanglunga lakheah.

2 KIUTHSÜYUKHEAN 35:15

Asaph tsühsoniuso khün thsürübonü, David, Asaph, Heman, tüsho kiulongthsüpuh yo angürü Jeduthun yukhüm yande arü dangpung ching lakheah. Ripit neakrübo ripit abande alakheah; arünü arü rhimo mülakshak, tümüde arü keoniorü Levirünü arü thsungkheak thsakhamjih.

2 KIUTHSÜYUKHEAN 5:12

tüsho khün thsürü Levirü alala, Asaph, Heman, tüsho Jeduthun, arü tsührübo tüsho buhtsührübo khimthünak atsüdak yihbah, hulipungpung mütrü amükeamrü 120 lung larüpbo, bingshangbo, bingkhungbo shuhbah kingaün sadam aniakhiuklim zhip).

EZRA 2:41

Khün thsürübo: Asaph tsührü 128.

EZRA 5:16

Junangde Sheshbazzar arübah khimtan khimjih; judükinü khihni khiungde thsüde arüchoh, tüshe ju kheakü khiungde müthsükhiyi.’

MUNGSHIKHÜN 150:5

Larüpbo düsheaknü api shiang; larüpbo kingde api shiang!

HAGGAI 2:15

Tüshe kheakü, khihninü tümü dünjibanü lümakheahang. Atungpuh arüngyam ching lung khülang kheaknü lung khülang kheangkih-a lang lachoki,

ZEKARIA 4:10

Tümüde sherünü anükhüh lang arhimokhi nimung mükhemükimkheanü asühachihbah, tüsho Zerubbabel khah ching akeara-liu ngübah. “Harü thüne ha alomi athrünkhi ngükhi Atungpuh mükbo lah.”

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

ZEKARIA 4:7

Nü she a, O müzüng ato? Zerubbabel miki nü adükhün kambah; tüsho nünü amükham-lung yukchoki mihtsürübonü azhibah, ‘ Akhamlah, akhamlah!’ ”

ZEKARIA 6:12

api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

ZEKARIA 7:3

tüsho Wuto Atungpuh yam amükeamrü tüsho wukihrübo ki keokhipü, “ Inü kam ahihdo thsükhi nangde khinu phüngü ching tüzhode khümkeak thsüba shi?”

1 SAMUEL 22:18

Judüki kiulongthsüpuhnü Doeg ki tha, “Nü, Doeg, rholoang tüsho amükeamrübo laksahang.” Edomrü Doegnü rholobah amükeamrübo laksah; ju nimung apinü amükeamrü khim phuyurü 85 laksah.