EZRA 2:1 - AMÜSÜH HÜM CL Bible (BSI)

¹ Kheakü harübo ha lomibo ching sherü Nebukednezar nü rama lubah Babilon ching tsokhea, arü Jirusalem tüsho Juda lim buh kiulonglong ching arülo.

EZRA 2:1 Iomraidhean Croise

2 KIULONG THSÜRÜ 25:11

Nebuzaradan aheangrü wühkenobuhnü kiuto ching aninga lakhi, Babilon kiulongthsüpuh kinü atsorü, aningkhi mihtsürü alala ramtso ching bede yü.

1 KIUTHSÜYUKHEAN 9:1

Jumonü Israel alala tsühsoniuso yukhean yande thrütyuk; tüsho harü Israel kiulongthsürübo hüm ching thrüta lah. Tüsho arü thiyuro mülakhi hode Juda a Babilon ramtso ching hande ayükhea.

1 KIUTHSÜYUKHEAN 9:2

Kheakü arü yamalo, kiutobo ching akhuhde alalorü ju Israelrü, amükeamrübo, Levirü, tüsho arüngyam tankihrübo lakheah.

EZRA 1:11

küyimki Sheshbazzar tüsho ramtsorübo Babilon chingnü Jirusalem ching wulungkhea, shoto phühlung tüsho püpü kukrukbo alalanü 5400 lakheah.

EZRA 2:2

Arü limbede alungrübo ju Zerubbabel, Jeshua, Nehemia, Seraia, Reelaia, Mordekai, Bilshan, Mispar, Bigvai, Rehum tüsho Baana. Israel mihtsürü wühkhe:

EZRA 2:70

Amükeamrübo, Levirü, tüsho mihtsürü khürü Jirusalem tüsho ju hing la; khün thsürü, arüngyam neakrü, arüngyam tankihrübo kiuto phünide la; tüsho aningkhi Israelrünü arü jipürü lapung kiutobo ching la.

EZRA 5:8

“Nü ki mükheahshihpü lümkhi ju, isa Juda lomi ching Ato Thrünpuh yam ching yüdo. Lung atotonü khimtanbah thrüna lah, tüsho abinkiu kheak rhü zünlah; ha rhimo ching khide jinjihde rhimokhamde yümuroh.

EZRA 6:2

Tüshe ju Ekbatana kiuto Midia lomi ching küpqiu kheak harü thrüta ngü:

EZRA 8:35

Ramtso chingnü alungrü alalanü Israel Thrünpuh kilim taka kingaünpü shihchambo hanbah arü. Arünü Israelrü alala thsungkheak moshi 12 jih, namfimihnupung 96, namfimihnunu 77; tüsho arü münean chingnü atsangkhitshihpü mihnupung 12 jih. Shiwüh harü alala Atungpuh ki taka kingaün.

NEHEMIA 12:1

Amükeamrü tüsho Levirü Shealtiel tsührü Zerubbabel tüsho Jeshua ane yande alung. Amükeamrü: Seraia, Jeremia, Ezra,

ESTER 1:1

Kiulongthsüpuh Zerzes shepü hode Indianü Ethiopia khiungde 127 kiulongthsü kurungkheak,

ESTER 1:11

Apinü arübo Vashti kiulongthsüberü kuthran thranbah bebah arüshihpü thiyukhüm jih. Tümütüsho alibe ju akheahakham lakheah, jumonü kiulongthsüpuhnü atorübo le hanrübo ki huhpü lüm.

ESTER 1:3

api kiulongthsü kam asampü kheak thünio ching abukkhüp atorübo, yamlarübo tüsho Persia le Midia bonungrü torübo, kovünorbo tüsho amükheahrü kiulongthsübo chingnü jiyuk,

ESTER 1:8

Yakzan yande, ayungpü ju alala ki mathsung; tümüde mihtsürübonü akünthülün tsühyungpü thsüde kiulongthsü bukkhüp atorübo hode zhiyukshih.

ESTER 8:9

Ha Sivan de ajikhi khinu mahsam nimung mukukheak mahsam ni dünjikheah; Mordekainü kiulongthsüpuh yo athrütrübo jibah Jihudarü dünkheak kihüm thade thrütshih, tüsho ju yakzanshuhrü, thiyuzüng ahorirü alala, lomi 127 kilim, India chingnü Ethiopia khiungde yüshih. Kihümbo ju lomibo ching thiyumüthsü tüsho athrütkhi buh lungkiki chingnü thrüta mühah, tüsho Jihudarü kilim she arü yumüthsü chingnü thrüt.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

JEREMIA 50:19

Inü rimlopung ching Israel belodarübah tüsho Karmel kheak le Bashan ching yimtsühshihbah, tüsho Ephraim wungbo kheak Gilead ching apinü akünkhi reangkeambah.

TÜZHOKHI 1:3

Juda a thsünüde tüsho achakato azhorü thsüde ramtso ching yüdo; kheakü anihbe trükshih bolung lah, tüsho sühakhim dangpung müngü; anihbe lümthsünü phulung ching anihbe müshamrünü yanphuhdo.

TÜZHOKHI 1:5

Anihbe riribo aputungrübo kamdo, anihbe riribo thsü-tsüde lah, tümütüsho anihbenü thsümünimkhi hihdakmonü Atungpuhnü anihbe thsünüshih; anihbe tsührübo tsoabahdo, thiri miki aramrübo ah.

TÜZHOKHI 4:22

O Zion tsührübe, nü thsümüchi arün thsübah; apinü nü ramtso muruhshih. Tüshe, O Edom tsührübe, apinü nü thsümüchibah tüsho nü neak lahkhitbah.

ZEPHANIA 2:7

Kemungyean ju Juda yamkhün aningkhi yamalo thsüde, ju kheak arünü mihnu boto yimkipbah, tüsho Ashkelon yambo ching arünü azhing ching yapbah. Tümüde Atungpuh arü Thrünpuhnü arü kümbah tüsho arü kuhibo jihlobah.

YUNIRÜBO RHIMO 23:34

Kihüm khebah api tümü lomi chingnü a de keokhi. Küyimki api Kilikia chingnü ah de apinü amükheahkhea,