EZRA 10:11 - AMÜSÜH HÜM CL Bible (BSI)

¹¹ Jumonü kheakü, nüsa neak Atungpuh , nüsa jipürü Thrünpuh ki alokhiang, tüsho Api lümkhi rhimoang. Isa lo ching larü khiungkerü tüsho khiungkeberü nüsa niuberü kheaknü chamachihang.”

EZRA 10:11 Iomraidhean Croise

2 KIUTHSÜYUKHEAN 30:22

Hezekianü Atungpuh tankihkhi ju anikhitkhi atsü huhrü Levirü alala ki mulong toshihde asuk. Jumonü mihtsürübonü Atungpuh arü jipürü Thrünpuh kilim mungtsü kingaün tüsho makshe jihde nimung thüne thünio jimpung tsüh.

EZRA 10:10

Ezra amükeambuhnü jukmusubah arü ki tha, “Nüsa akin müdüküngde lado, tüsho khiungkeberü yihlukhi hode Israelrü kurungkheak neak alü kamdo.

EZRA 10:12

Botonü düsheak achangnü alo, “Nünü tümüpürü thabanü isanü arhimobah.”

EZRA 10:3

Jumonü I putungpuh ki lümlung-jihrü tüsho isa Thrünpuh yukhüm trede anirübonü ahuhkhi yande, isanü harü berü le arü tsührübo yana tsoshihpü isa Thrünpuh ki tangzünganü; tüsho ju yakzan yande rhimoshang.

EZRA 9:1

Harü alala rhimokhamshu, Israelrü limberü khürünü arübahle I ki thakhi ju, amükeamrübo le Levirübonü hingrü Amon, Moab, tüsho Ijip yungsho Kananrü, Hitrü, Perizrü, Jebusrü, tüsho Amorrü athraneanbe rhimo chingnü müchamachihde lah de tha.

NEHEMIA 13:3

Israelrünü küyimki ha yakzan sokhea, khiungkerü alala arü kheaknü chamkhishih.

NEHEMIA 9:2

Tüsho arünü khiungkerü kheaknü chamkhi, tüsho zhipbahle arü neak le jipürü neak alokhi.

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

ISAIA 56:4

Tümüde Atungpuhnü ha thachoh: I yo amuni mungkhi dukha kilim, shepünü I asühbe mokhitcho tüsho I yo tangzüng düküngde ramlocho,

JEREMIA 3:13

Nünü Atungpuh nü Thrünpuh azhihkhi mütsande mükheahshang, tüsho nü muzho jaksorü bolung sangdung phüyak aban khüp hiumüzütkhi, tüsho I yu manikhi alokhiang, Atungpuhnü thachoh.

JEREMIA 7:3

Wuto Atungpuh Israel Thrünpuhnü ha thachoh: Nüsa limrobo tüsho nüsa rhimobo thsülangang, tüsho ha dangpung ching I nüsa lung laanü.

EZEKIEL 18:30

Jumonü, O Israel yamkhün, inü nüsa mihbüm aban nihbuh limrobo yande mahkhapbah, Wuto Atungpuhnü thachoh. Mulong müthriang! Nünü alakmihkhi alala chingnü rholode tsoang; junangde neaknü nüsa mükeamshih.

JOHAN 9:24

Jumonü arünü mük tuka lakhi mihtsürü ju ji tüsho api ki tha, “Thiyuro thapü Thrünpuh miki alokhiang! Ha mihtsürü aneakrü ah de isanü mükheahlah.”

ROMRÜ KILIM PAULNÜ ATHRÜTKHI KIHÜM HUHTANYU 12:2

Ha lomi yakli yande düla tüshe nüsa lümkhi aso kamde thsüphuloang, junangde nüsanü Thrünpuh lümkhi tümü atsü a, aleangkhikhukbe a tüsho khiukdahkhi lanü amütsanbah.

2 KORINT 6:17

Jumonü arü kheaknü akhiukang, tüsho arü kheaknü chamkhiang, Atungpuhnü thachoh, tüsho amümüsüh tümü düqiu; tüsho inü nüsa leangkhibah,

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

JIHUSUA 7:19

Jihusuanü api ki tha, “I tsah-a, Atungpuh Israel Thrünpuh kilim müretahshang, tüsho neak alokhiang. Nünü tümü rhimokheanü I ki kheakü thaang; ju I ki düram.”