EZRA 10:1 - AMÜSÜH HÜM CL Bible (BSI)

¹ Ezranü tripde arüngyam miki khukningbahle tamkhüntamnüde harü neak alokhichoki, Israel boto athrürü, aliberü, tüsho azürübo api mükamde arübah tüzhode trip.

EZRA 10:1 Iomraidhean Croise

1 KIULONG THSÜRÜ 8:30

Nü yamlarü tüsho nü mihtsürü Israelnü ha yam lim zhoshede tamkhüntamnüchoki sojang; O nü lapung yinmi chingnü sojang; sojang tüsho neak bahjang.

1 KIULONG THSÜRÜ 9:3

Atungpuhnü api ki tha, “Nünü I miki tamkhüntamnükhi tüsho zhoshekhi inü sodo; nünü athsükhi yam ha inü müsühkhitdo, tüsho ju ching lün thsungkheak I mung yuka zolah; I mük tüsho I mulong lünnü ju ching labah.

2 KIUTHSÜYUKHEAN 20:13

Judüki Judarü alalanü arü khungarübo, arü niuberübo, tüsho arü tsührübo bebah Atungpuh miki zhip.

2 KIUTHSÜYUKHEAN 20:9

‘ Mürangkhüh isa kheak thsümütsü, nukshang, mahkhap, yungsho mihshe, yungsho khümzung arüsho, isanü ha yam müngüh tüsho nü müngüh zhipbah, tümüde nü mung ha yam ching lah, tüsho isa lümthsünü ching nü ki zhibah, tüsho nünü asobah tüsho khümkhitbah.’

EZRA 10:6

Tüsho Ezranü arüngyam mikinü akhinde Eliashib tsührü Jehohanan yam khiungshak ching yü, tüsho ramtsorü akin niukniukkhi dünkheak mütsühyungde tüzhode tsüngrekhüh bin.

NEHEMIA 1:4

Küyimki ha yu sokheanü inü zuhyuka binbah trip, tüsho nimung khünikhüh tüzhode yinmi Thrünpuh ki khümkeak thsüde tamkhüntamnüpü tankih.

NEHEMIA 1:6

Atungpuh , I kilim kheahang, tüsho tsüngre nimung aban nü yamlarübo Israelrü thsungkheak I tamkhüntamnü sojang. Isa Israelrünü neak yihbeakdo de inü alokhichoh. Am isa jipürü tüsho inü neak yihbeakdo.

NEHEMIA 10:28

Aningkhi mihtsürübo, amükeamrü, Levirü, ripit neakrü, khün thsürü, arüngyam tankihrü tüsho Thrünpuh yakzan ching anirü püpürü alalanü isa lo ching larü khiungkerü kheaknü chamkhi, isa le isa niuberü, tüsho tsührübo alalanü rukhüh zamde anikhitbahle,

NEHEMIA 8:9

Küyimki mihtsürübonü yakzan sokhea, arü mulong khide qiu tüsho atrippü tankih. Jumonü kovünor Nehemia, amükeambuh tüsho yakzan mükheahmudurü Ezranü mihtsürübo ki tha, “Ha nimung ha Atungpuh nüsa Thrünpuh kilim amüsüh ah, nüsa mulong dürozhak tüsho dütrip.

MUNGSHIKHÜN 119:136

I mükbo chingnü ke yungbo bukkhichoh, tümütüsho mihtsürübonü nü yakzan muzo.

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 9:1

O I ku ha kenü müthsüde, tüsho I mükbo ha chike bukpung müthsüde, junangde inü animung tüsho are amuzhobe I mihtsürü laksahkhi thsungkheak tripbah!

DANIEL 9:20

Inü I Thrünpuh amüsüh wung thsungkheak Atungpuh I Thrünpuh ki I neak tüsho I mihtsürü Israel neak alokhide asuk tüsho tamkhüntamnü thsü.

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 3:6

tüsho arü neakbo alokhide apinü Jordan ching arübo baptijih.

LUKNÜ ATHRÜTKHI THIYUSHEAK-ATSÜ HUHTANYU 19:41

Kheakü api thüninde alachoki kiuto kheah tüsho ju dünkheak trip,

YUNIRÜBO RHIMO 10:30

Tüsho Kornelianü tha, “Nimung phüyi hode, ha kim ching, anirelim 3 king ching I yam ching I tamkhüntamnüde alakheah; tüsho kheahang, mihtsürü khülang I müngüh khimmih azhingzhing yihbah zhip,

YUNIRÜBO RHIMO 21:5

Küyimki ju ching isa nimungbo bankheanü isanü chamachihbah yü; arü niuberü tüsho tsührübo alalanü kiuto aleanglim khiungde bea dükhe. Isanü kemungyean kheak khukningbah tamkhüntamnü tüsho chode thaachih.

ROMRÜ KILIM PAULNÜ ATHRÜTKHI KIHÜM HUHTANYU 9:2

junangde I mulong ching mulong rozhak ato tüsho mükheamkhi thsünü lah.

YUZÜNGTHALO 31:12

Mihtsürübo bemukhungang, athrürü tüsho aliberü, azürü anini tüsho nüsa chipimurung khüp lakhi khiungkerü, junangde arünü sobahle Atungpuh nüsa Thrünpuh wüntrepü mükheahbah tüsho ha yakzan kümkangde anibah,

JIHUSUA 7:6

Jihusua tüsho Israelrü limberübonü mulong tukthsüde arü khim rukrüp, tüsho arü ku kheak asungthulung yükihde alo ching awuh, tüsho arü mulong tukthsükhi huhde Atungpuh tangzüng sangdan ki alo ching awuhde arelim khiungde yap.

JIHUSUA 8:35

Jihusuanü Mosa yukhüm ju amukhungrü, aliberü le azürü tüsho arü bolung lakhi khiungkerübo alala kilim phümütsande khea huh.