EZRA 1:3 - AMÜSÜH HÜM CL Bible (BSI)

³ Nüsa bolung shepü api mihtsürüanü–api lung Thrünpuh lashang. Tüsho api Juda ching lakhi Jirusalem ching wutubah Atungpuh , Israel Thrünpuh, shepü Jirusalem ching lanü api arüngyam thsüshang.

EZRA 1:3 Iomraidhean Croise

1 KIULONG THSÜRÜ 18:39

Küyimki mihtsürü alalanü ju ngükhea, arü miro mükhümbah tha, “Atungpuh ju Thrünpuh ah; Atungpuh lang Thrünpuh ah.”

1 KIULONG THSÜRÜ 8:23

Apinü tha, “O Atungpuh ; Israel Thrünpuh, nü yamlarübo arü mulong athrünkhinü nü müngüh tsahrü thsungkheak tangzüng zokhi tüsho düngyingde muzhokhi nü nangde achanglim yinmi ching tüsho abolim alomi kheak Thrünpuh sheshe müla,

1 KIUTHSÜYUKHEAN 28:20

Davidnü kheaküshe api tsührü Solomon ki tha, “Reangzahang, tüsho tsüde mulong toang, tüsho rhimoang. Dütre yungsho mulong dünini: tümüde Atungpuh Thrünpuh, I Thrünpuh, nü lung lah. Atungpuh yam ching arüngako rhimo alala mübanyi khiungde apinü nü müdükhe yungsho nü mübahyuk.

EZRA 1:4

Tüsho sherübo kürü ching tsode yünü lanü Jirusalem ching lakhi Thrünpuh arüngyam thsüpü thsungkheak nihbuh lapung mihtsürübonü api kilim shotoyinchi, suna, kukrukbo tüsho shiwühbo, tüsho arung kingaünbo jihshang.”

EZRA 4:3

Tüshe Zerubbabel, Jeshua tüsho Israel guk aban azothsürübonü arü ki alo, “Isa Thrünpuh arüngyam thsüpü nüsa arung yihnüpü müla. Persia kiulongthsüpuh Sairus nü amülükhi yande, Israel Thrünpuh arüngyam ju isanü lang athsübah.”

EZRA 5:13

Judüalalashe, Babilon kiulongthsüpuh Sairus kiulongthsükhi akhuhbe kam ching apinü Thrünpuh arüngyam thsülopü thiyukhüm jih.

EZRA 5:3

Judüki Euphra kethripkhüh lakhi kovünor Tattenai, Shetharbozenai tüsho arü rukhüh tankihrübo nungde Jirusalem lim arübah arü ki keokhi: “Ha arüngyam thsülopü tüsho chipi thsükhipü shenü thiyukhüm jihkhea?”

EZRA 6:7

tüsho arü kimlak düjih. Juda kovünor le Jihudarü limberünü Thrünpuh arüngyam püpüki yampungnü thsüloshang.

MUNGSHIKHÜN 132:13

Tümüde Atungpuhnü Zion mokhitdo; apinü anihbuh lapü ha mulongdo:

MUNGSHIKHÜN 83:18

junangde arünü nü mung ju lang Atungpuh ah de, nü alomi alala kurungkheak Khide Achang mükheahbah.

ISAIA 37:16

“ O Wuto Atungpuh , Israel Thrünpuh, shepü cherubim kumung binla, nü lang alomi kiulongthsü alala Thrünpuh; nünü yinmi tüsho alomi thrün.

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

ISAIA 45:5

I Atungpuh tüsho püpü müla; I hobah thrünpuh müla. Nünü I mümükheahkheah she inü nü düjitlobah,

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

YUNIRÜBO RHIMO 10:36

Thrünpuhnü Jisu Khrista–api ju alala yo Atungpuh– hode mungtsü yusheak atsü zhiyukpü Israel kilim thiyusheak yüshihkhi nüsanü mükheahlah.

YUZÜNGTHALO 32:31

Tümüde arü thrünpuh ju isa Thrünpuh ruk yung, isa riribonü she arü küdah thsüde mütsanlah.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”