EZRA 1:2 - AMÜSÜH HÜM CL Bible (BSI)

² “Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

EZRA 1:2 Iomraidhean Croise

1 KIULONG THSÜRÜ 8:27

“Tüshe Thrünpuhnü alomi kheak lakhukba de? Yinmi tüsho achangbe yinminü she nü mazüh, inü athsükhi ha yam khide mudukke!

2 KIUTHSÜYUKHEAN 2:12

Hiramnü kheaküshe tha, “Atungpuh Israel Thrünpuh shiang, shepünü thüning tüsho alomi thrün, shepünü kiulongthsüpuh David kilim lümlung mütsankhitpü tüsho anikhitpü, Atungpuh thsungkheak arüngyam khülang tüsho anihbuh thsungkheak kiulongthsürü-yam thsüpü lakhi tsührü jih.

EZRA 1:5

Junangde Juda tüsho Benjamin trük chingnü gukbo aban ching azothsürübo, amükeamrübo, Levirübo tüsho sherü Thrünpuh nü ayüpü mulong athsungkheanü arübo Jirusalem ching arüngyam thsülopü tsahmusu.

EZRA 3:7

Arünü lungzünrü tüsho yümzüyümdorü jihshihpü sho jihchung tüsho Tair le Sidon kiutobo ching cedar sangthulung Lebanon chingnü Joppa khiungde keto chingnü handarüde alakhi ching jihshihpü tsühyungpü, tüsho oliv müdangkebo jih. Harü alala Persia kiulongthsüpuh Sairus yu hode lang rhimo.

EZRA 4:3

Tüshe Zerubbabel, Jeshua tüsho Israel guk aban azothsürübonü arü ki alo, “Isa Thrünpuh arüngyam thsüpü nüsa arung yihnüpü müla. Persia kiulongthsüpuh Sairus nü amülükhi yande, Israel Thrünpuh arüngyam ju isanü lang athsübah.”

EZRA 5:15

Kiulongthsüpuhnü pungphurubo ju hanlodarü Jirusalem arüngyam ching zolopü, tüsho adüso yampung ching arüngyam thsülopü Sheshbazzar ki tha.

EZRA 6:10

Jude athsükhinü arünü yinmi Thrünpuh kilim arhümthüneade kingaünshihbah, tüsho Api müngühmühi I tüsho I tsührübo kheak lashihpü tamkhüntamnüshihbah.

EZRA 6:3

“Sairus kiulongthsü atan kam Jirusalem ching arüngyam ju taka kingaünde alapung ching thsüloshang de apinü thiyukhüm jih: Arüngyam ju achanglim limthrip 27 tüsho apunglim limthrip 27 thüne thsübeah.

EZRA 7:12

“Artazerzes kiulongthsübo kurungkheak kiulongthsüpuh kilimnü Ezra amükeambuh, yinmi Thrünpuh yakzan thrütakhinbuh kilim.

NEHEMIA 1:4

Küyimki ha yu sokheanü inü zuhyuka binbah trip, tüsho nimung khünikhüh tüzhode yinmi Thrünpuh ki khümkeak thsüde tamkhüntamnüpü tankih.

NEHEMIA 1:5

Inü tha, “O Atungpuh yinmi Thrünpuh! Nü ato tüsho atrebe Thrünpuh; nü muzhorü tüsho nü yuzüng yanrübo kheak tangzüngkhi nünü zochoh.

MUNGSHIKHÜN 136:26

O, yinmi Thrünpuh kilim makshe jihang! Tümüde api amüthsüm lünnü rünkhiungde lah.

MUNGSHIKHÜN 85:2

Nünü nü mihtsürü mülimkhi bahjih; nünü arü neak alala lüpdojih.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

ISAIA 41:2

Shepünü aniakhiuklimnü khülang asürüshihkhea, api tankihpü thiyuro ching jikhea? Apinü trükshihbo api kilim jih tüsho kiulongthsübo müphü khüp thrüm; apinü arübo api nukshangnü asungthulung nangde, api sanglühnü yüna tsoshihkhi müneang nangde kamshih.

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

ISAIA 45:1

Ha Atungpuhnü apinü mujude-mokhitkhi ki thachoh, shepü khah tsülim inü ramlola, api müngüh trükshihbo kukshihpü tüsho kiulongthsürübo zülu thokhipü, api müngüh khimdopü khimshuhpü– tüsho chipiripitbo mürih:

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

JEREMIA 10:11

Nünü arü ki ha thaang: Thüningbo tüsho alomi müthrünkhi thrünpuhbo alomi chingnü tüsho thüningbo khüpnü adükheakbah.

JEREMIA 27:5

I wu ato tüsho I khah chungkhitkhinü alomi kheak lakhi mihtsürü tüsho shiwühbo bede inü alomi thrün, tüsho inü amulongrü kilim ju jih.

JEREMIA 29:10

Tümüde Atungpuhnü ha thachoh: Babilon ching kam nerü bankhitsho lang inü nüsa rhuakheahbah, tüsho inü nüsa ki alokhikhi dünjishihbah tüsho nüsa ha dangpung ching belodarübah.

DANIEL 1:21

Tüsho Sairus kiulongthsüpuh akhuhbe kam khiungde Daniel ju ching lakheah.

DANIEL 2:21

Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

DANIEL 2:28

tüshe aramyu akhiuka huhbuh Thrünpuh khülang yinmi ching lah, tüsho Apinü akheam nimungbo ching tümü dünjibanü kiulongthsüpuh Nebukednezar ki huhdo. Nü yapkiu ching yapshea lachoki nü milim tüsho michih harü lakheah:

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

DANIEL 6:25

Judüki kiulongthsüpuh Dariusnü mihtsürü alala tüsho lomiküp lüpdükhi ching thiyutha trükshih aban kilim thrüt: “ Nüsa tsüde laang!

JONA 1:9

Apinü alo, “ I Ibrirü ah. Inü yinmi Thrünpuh, keto tüsho akung lomi thrünrü Atungpuh kingaünchoh.”