EZRA 1:1 - AMÜSÜH HÜM CL Bible (BSI)

¹ Sairusnü Persia kiulongthsükhi akhuhbe kam ching, Jeremia mün hode Atungpuh yu dünjishihpü thsüde, Atungpuhnü Persia kiulongthsüpuh Sairus me tuthsukmusu tüsho api kiulongthsü bukkhüp lomi alala ching thrüta zhiyukshihpü tha:

EZRA 1:1 Iomraidhean Croise

EZRA 1:5

Junangde Juda tüsho Benjamin trük chingnü gukbo aban ching azothsürübo, amükeamrübo, Levirübo tüsho sherü Thrünpuh nü ayüpü mulong athsungkheanü arübo Jirusalem ching arüngyam thsülopü tsahmusu.

EZRA 4:3

Tüshe Zerubbabel, Jeshua tüsho Israel guk aban azothsürübonü arü ki alo, “Isa Thrünpuh arüngyam thsüpü nüsa arung yihnüpü müla. Persia kiulongthsüpuh Sairus nü amülükhi yande, Israel Thrünpuh arüngyam ju isanü lang athsübah.”

EZRA 6:14

Wukihrü Haggai le Iddo tsührü Zekaria bünenü thsangyude mulong toshihkhi hode, Jihudarü limberübonü arüngyam thsüde jakih. Israel Thrünpuh, Sairus, Darius tüsho Persia kiulongthsüpuh Artazerzes pürünü abekhi nangde arünü arüngyam thsükham.

EZRA 6:22

Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.

EZRA 6:3

“Sairus kiulongthsü atan kam Jirusalem ching arüngyam ju taka kingaünde alapung ching thsüloshang de apinü thiyukhüm jih: Arüngyam ju achanglim limthrip 27 tüsho apunglim limthrip 27 thüne thsübeah.

EZRA 7:27

Ezranü tha, “Isa jipürü Thrünpuh! Atungpuh shiang, shepünü Jirusalem ching Atungpuh arüngyam akheahakhamde kamshihpü kiulongthsüpuh mulong ching asukachih.

MUNGSHIKHÜN 106:46

Apinü arübo ramde ayürübonü she arü kheak muzhoshih.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

ISAIA 45:1

Ha Atungpuhnü apinü mujude-mokhitkhi ki thachoh, shepü khah tsülim inü ramlola, api müngüh trükshihbo kukshihpü tüsho kiulongthsürübo zülu thokhipü, api müngüh khimdopü khimshuhpü– tüsho chipiripitbo mürih:

JEREMIA 1:1

Benjamin lomi Anathoth ching lakhi amükeamrü bolung Hilkia tsührü Jeremia yubo,

JEREMIA 29:10

Tümüde Atungpuhnü ha thachoh: Babilon ching kam nerü bankhitsho lang inü nüsa rhuakheahbah, tüsho inü nüsa ki alokhikhi dünjishihbah tüsho nüsa ha dangpung ching belodarübah.

EZEKIEL 38:5

Persia, Ethiopia, tüsho Libya arü lung bebah, arü alala tsungnini tüsho yinchi kuthran labah;

DANIEL 1:21

Tüsho Sairus kiulongthsüpuh akhuhbe kam khiungde Daniel ju ching lakheah.

DANIEL 2:1

Nebukednezar kiulongthsü kam mahnepü ching, apinü milim mi; api me küpkhuk tüsho müyapkhukde alakheah.

DANIEL 6:25

Judüki kiulongthsüpuh Dariusnü mihtsürü alala tüsho lomiküp lüpdükhi ching thiyutha trükshih aban kilim thrüt: “ Nüsa tsüde laang!

DANIEL 9:2

Api kiulongthsü atan kam ching, I Danielnü Atungpuhnü wukihrü Jeremia ki thakhi nangde, kam nerü Jirusalem thsümünimpü dünkheak amüsüh hümbo khede tüsho lümakheahde alakheah.

JOHAN 1:23

Apinü alo, “I ju Isaia wukihrünü athakhi nangde ‘Sunglo ching azhikhi düsheak khülang: Atungpuh limro mukhiungarihdo thsüjang.’ ”