EZEKIEL 8:3 - AMÜSÜH HÜM CL Bible (BSI)

³ Apinü khah nangde chungkhit tüsho I kuyü kheaknü zünga lu. Menü I alomi le yinmi dükeak shuhkih tüsho Thrünpuh michih ching apinü I Jirusalem lim, alungbe khikzhakpung dukulim ripit yüzahpung, sangthsünü Thrünpuh bukakhiukshihpung bebah yüzah.

EZEKIEL 8:3 Iomraidhean Croise

1 KIULONG THSÜRÜ 18:12

I kheakü tsoakede Atungpuh menü inü mümükheahkhi lim nü bede ayübah; jumonü, küyimki inü yübah Ahab ki thaba tüsho apinü nü müngükhuksho, I nü yamlarü I athunuchokinü Atungpuh wüntrede lalashe apinü I laksahbah.

2 KIULONG THSÜRÜ 16:14

Atungpuh miki lakhi müwayinchi kingaün sadam ju kingaün sadam aso le Atungpuh yam dükeak, thüyam kinü yihkhita lu, tüsho ju anihbuh kingaün sadam dukulim zo.

2 KIULONG THSÜRÜ 2:16

Arünü api ki tha, “ Kheakü kheahang, nü yamlarü bolung isa sühmüh lakhi mihtsürü 50 lah; muzhobah arübo yüshang tüsho nü putungpuh yimshang; khükia Atungpuh menü bekih-a lubah awung khürü kheak yungsho jindükhün khürü ching jipkhia bah-a labah.” Apinü alo, “Yung, arübo düyüshih.”

2 KIULONG THSÜRÜ 21:7

Apinü athsükhi Ashera sangthsü anihbuhnü lu tüsho arüngyam ching yuk, küpü Atungpuhnü David tüsho atsührü Solomon ki tha, “Ha yam, tüsho Jirusalem ching, küpü Israel trük alala chingnü inü mokhitkhea, inü lünnü I mung zobah;

MUNGSHIKHÜN 78:58

Tümüde arünü arü achang dangpungbonü api bukakhiukshih, tüsho arü mejakbonü api mükthsüde kamshih.

ABEKHIT 20:4

“Nünü nü thsungkheak thüning, yungsho alo kheak lakhi, yungsho ke ching lakhi tümükhüh kiphahde sangthsü düthsü;

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ABEKHIT 34:14

Püpürü thrünpuh tümü dükingaün, tümüde Atungpuh shepü mung mükthsü lanü, mükthsü Thrünpuh ah.

JEREMIA 32:34

Arünü I mung kihkhi thüyambo kheak athraneanbebo zhipshih, tüsho ju müneanjih.

JEREMIA 7:30

Tümüde Juda mihtsürübonü I miki amütsü rhimodo, Atungpuhnü thachoh; I mung tamkhi yam müneanjihde, arünü athraneanbe zodo.

EZEKIEL 1:1

Kam samrüpü, khinu phüyi ching, nimung phüngü nipü, I Kebar Ayung ki ramtsorü bolung lachoki, yinmibo khimshuhkhi inü ngü, tüsho inü Thrünpuh michihbo ngü.

EZEKIEL 10:3

Mihtsürü yüzahchoki cherubimbo ju arüngyam düjinglim zhipde alakheah, tüsho amonü alungbe khikzhakpung mi.

EZEKIEL 11:1

Judüki menü I shuhkih tüsho aniakhiuklim abinkhi A TU N GPU H yam chipiripit ching bedarü. Chipiripit limro kheak ju mihtsürü 25 lakheah tüsho arü bolung inü mihtsürübo limberü Azzur tsührü Jaazania tüsho Benaia tsührü Pelatia ngü.

EZEKIEL 11:24

Menü I shuhkih tüsho Thrünpuh menü ajikhi michih ching I Babilon ching ramtsorü kilim bedarü. Judüki inü angükhi michih I kheaknü yükihabah,

EZEKIEL 2:9

Judüki inü kheah, tüsho I ki khah chunghuhkhi inü ngü, tüsho ju ching küpqiu khülang lakheah.

EZEKIEL 3:12

Judüki menü I shuhkih, tüsho I dunglim arhunganim düsheak ato inü so: “Atungpuh müretahkhi api lapung ching shishang!”

EZEKIEL 3:14

Judüki menü I shuhkih tüsho bebah tso, tüsho I kheak Atungpuh khah amüküp lade, khühde tüsho I me bukakhiukkhi chingnü yü.

EZEKIEL 37:1

Atungpuh khah I kheak arü, tüsho Atungpuh me ching I bekhit tüsho jindükhün khülang phulung ching binshih; ju robonü mide alakheah.

EZEKIEL 40:2

Apinü I Thrünpuh michihbo ching Israel lomi lim bedarü tüsho müzüng khide achang kheak binshih; ju kheak düjinglim ju kiuto khülang thrünkhi nangde alakheah.

EZEKIEL 43:5

menü I shuhkih, tüsho alungbe khikzhakpung ching I bede yüzah; tüsho Atungpuh müretahkhinü arüngyam mide kam.

EZEKIEL 43:8

Küyimki arünü arü düküyukpung ju I düküyukpung ki zokhea tüsho arü ripitbo I ripit dung ki I le arü dükeak rhü khülangnü lang arebahle azokhea, arünü ayihbeakkhi athraneanbenü arünü I mung amüsüh müneanjihde alakheah; jumonü I bukakhiukkhi ching inü arü muyukheah.

EZEKIEL 5:11

Jumonü Wuto Atungpuhnü thachoh, I arhang lah, tümütüsho nünü athraneanbe kukrukbo alalanü I yo arüngyam müneanshihdo, inü I küdah thsüde amuzho lulobah; inü nü kheak muzhode mükheah yungsho nü maningshih.

EZEKIEL 7:20

Arünü arü mürezhingzhing kheahtsübo hode kükheang tüsho ju athraneanbe sangthsübo le maphapkhi mejakbo thsüpü lu. Jumonü inü harü arü thsungkheak mümüsühkhi kukruk kamshihbah.

EZEKIEL 8:5

Judüki apinü I ki tha, “Mihtsürü tsührü, dukulim kheahang.” Jumonü inü kheah, tüsho kingaün sadam ripit dukulim yüzah lim inü ha mükthsüshihkhi sangthsü ngü.

EZEKIEL 9:2

Tüsho inü mihtsürü 6 achangbe chipiripit dukulim abinkhi limnü mihbüm aban nihbuh khah ching ashebe thsühnuk shuhbah arükhi ngü. Arü lung mihtsürü khülang khim zhingzhing phuyubah api rheang ki athrütbe lade ngü. Arünü azah tüsho müwayinchi kingaün sadam yean zhip.

DANIEL 10:10

Tüshe khah khülangnü I qiu tüsho I khah le mukhukbo ajande wusushih.

DANIEL 10:18

Kheaküshe mihtsürü kiphahkhi khülangnü I qiu tüsho I reangzahde kamshih.

DANIEL 5:5

Zukleangnü mihtsürü yingkhingbo akhiuk tüsho kiulongthsüpuh yam rhü lüpkhi kheak tsünpung dubopung ki thrütpü tankih. Thrütde alachoki kiulongthsüpuhnü khah ju kheahde alakheah.

YUNIRÜBO RHIMO 8:39

Tüsho küyimki ane ke chingnü akhiukkhea, Atungpuh Menü Philip ram; dukhanü api müngüde kam, tüsho asühde api limro ching yü.

YUZÜNGTHALO 32:16

Arünü api keomukhuh-a khiungkerü thrünpuhbo kheak abukakhiukshih; arünü athraneanbe rhimode api bukakhiukshih.

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.

YUZÜNGTHALO 4:24

Tümüde A TUN GPU H nüsa Thrünpuh ju muliuabahbe mo nangde mükthsübuh Thrünpuh lah.

YUZÜNGTHALO 5:9

nünü arü ki dükhukning yungsho dütankih; tümüde I Atungpuh nüsa Thrünpuh, mükthsübuh Thrünpuhnü bebuhrü neak lün mahsam tüsho phüyi khiungde I thraneanrübo rhua kheahchoh,

YUZÜNGTHALO 6:15

tümüde nüsa lung lakhi Atungpuh nüsa Thrünpuh ju mükthsübuh Thrünpuh; jude yungsho Atungpuh bukakhiukkhi nüsa kheak labah, tüsho apinü nüsa alomi kheaknü dükheakshihbah.

JIHUSUA 24:19

Tüshe Jihusuanü mihtsürübo ki tha, “Nüsanü Atungpuh mütankihkhukpü labah tümüde api amüsüh Thrünpuh, api mükthsü Thrünpuh; nüsanü alakmihkhi yungsho neakbo apinü mübahjih.