EZEKIEL 7:3 - AMÜSÜH HÜM CL Bible (BSI)

³ Kheakü nü kheak akheam lah tüsho nü azhihde I bukakhiukkhi trünkhibah. Inü nü rhimorhiyi ayannü nü mahkhapbah tüsho nünü athraneanbe rhimokhi alala jihlobah.

EZEKIEL 7:3 Iomraidhean Croise

THRÜNTAN 6:13

Thrünpuhnü Noa ki tha, “Mihtsürü alala kheampü I miki arüdo, tümüde alomi ju arü hode athsümünimnü mia lah; tüsho kheahang, inü arübo alomi chingnü adükheakshihbah.

ISAIA 47:7

Nünü tha, “ I lünnü kiulongthsüberü thsübah,” jumonü nünü harü mulong ching muzo yungsho akheampü mülümkhit.

JEREMIA 13:14

Tüsho inü arü khülangnü khülang, berübuhrü tüsho tsührübo rukhühnü mütrütachihshihbah, Atungpuhnü thachoh. Inü arü thsümünimchoki amuzho yungsho aningshihpü yungsho mihmuzho mülade alabah.

EZEKIEL 11:21

Tüshe sherü arü yo sheak mülakhi mejakbo tüsho athraneanbe sangthsübo ki mulong jihchonü, inü arünü arhimokhibo arü nihbuh ku kheak hankihjihbah, Wuto Atungpuhnü thachoh.

EZEKIEL 16:38

Inü nü müzammüramrü tüsho thiyih bukrü liberü nangde mahkhapbah; tüsho mulong zhipzhip le mükthsü ching nü kheak thiyih handarübah.

EZEKIEL 16:43

Tümütüsho nü athunu nimungbo nünü mülümkhit tüshe harübo hode I mulong zhipzhipshih, tsükjide nünü arhimokhi inü nü ku kheak handarübah, Wuto Atungpuhnü thachoh. Nünü athraneanbe rhimokhibo püpü alala lung yukrude yüliyüra müthsü de?

EZEKIEL 16:59

Wuto Atungpuhnü ha thachoh: Inü nü ki nü rhimo thülünnü arhimobah, tümütüsho nünü tangzüng thsümünimde I thiyuchihchim mükhemükimdo.

EZEKIEL 18:30

Jumonü, O Israel yamkhün, inü nüsa mihbüm aban nihbuh limrobo yande mahkhapbah, Wuto Atungpuhnü thachoh. Mulong müthriang! Nünü alakmihkhi alala chingnü rholode tsoang; junangde neaknü nüsa mükeamshih.

EZEKIEL 21:25

O amüneankhi tüsho mihbukmuyuk Israel yakzanshuhrü, shepü nimung arüa la, shepü thsümüchi kim akheam khiunga la,

EZEKIEL 22:31

Jumonü inü arü kheak I mulong zhipzhip dungkihkheah; arü rhimo dünkheak I bukakhiukkhi monü inü arü thsümünimbah; Atungpuh Thrünpuhnü thachoh.

EZEKIEL 24:14

I Atungpuhnü asukdo; kim arüchoh, inü rhimobah. Inü mutsomuwuh, inü maningshih, inü mülümalo. Nü limrobo tüsho nü rhimobo yande inü nü mahkhapbah, Atungpuh Thrünpuhnü thachoh.

EZEKIEL 33:20

Tütüshe nüsanü thachoh, “Atungpuh limro thiyuro yung.” O Israel yamkhün, inü nüsa alala nüsa limrobo ayannü mahkhapbah!

EZEKIEL 36:19

Inü arübo trükshih bolung hiumüzütshih, tüsho arübo lomibo ching müzütshih; arü limro tüsho rhimobo yande inü arü mahkhap.

EZEKIEL 5:12

Nüsa shihchamkhüh arüm yungsho khümzungnü ashebah; nü mühide shihchamkhüh nukshangnü akeambah; tüsho shihchamkhüh apungbo ching hiumüzütbah tüsho nukshang thokhitbah yande müshambah.

EZEKIEL 5:13

I reangmükeamyi khiungde nünü I bukakhiukkhi tüsho I mulong zhipzhipkhi amüküp alala mütsanbah. Küyimki ha alala dünjibanü, nü thiyuro mülakhinü I Atungpuhnü bukakhiukde nü ki asukdo de nünü mükheahbah.

EZEKIEL 7:2

Mihtsürü tsührü, ha Wuto Atungpuhnü Israel lomi ki thachoh: Akheam! Lomi thrip phüyi ching akheam arüdo.

EZEKIEL 7:27

Kiulongthsüpuhnü mitripbah, yakzanshuhrünü lümlung dükheakde khim phuyubah, tüsho lomi mihtsürü khahbo ajanbah. Inü arü rhimorhiyi yande tsangshubah, tüsho arü nihbuh lalimlako yande mahkhapbah. Judüki I Atungpuh de arünü mükheahbah.

EZEKIEL 7:4

Inü nü kheak mihmuzhode mükheah yungsho nü maningshih; inü tsükjide nü rhimorhiyi tüsho nüsa bolung nünü athraneanbe rhimokhi ayannü ajihlobah. Judüki I Atungpuh de nünü amükheahbah.

EZEKIEL 9:10

Jumonü inü arü kheak muzhode mükheah yungsho arü maningshih, tüshe arünü arhimokhi inü arü nihbuh kubo kheak handarübah.”

HOSEA 12:3

Nuyam ching apinü akhiung bede shochih, tüsho azoshu Thrünpuh bede shochih.

AMOS 8:2

Apinü tha, “Amos, nünü tümü ngücho?” Tüsho inü alo, “Muzhu sangaso zahkhi muluk khülang.” Jushu Atungpuhnü I ki tha, “ I mihtsürü Israel kheak akheam arüdo; inü arü thsümüchipü I lümkhi mümüthrilo.