EZEKIEL 26:3 - AMÜSÜH HÜM CL Bible (BSI)

³ Jumonü, Atungpuh Thrünpuhnü ha thachoh: Kheahang, inü nü azhihde lah, O Tair! Inü nü azhihde trükshih ahihdo, ketonü abükde arükhi nangde bedarübah.

EZEKIEL 26:3 Iomraidhean Croise

MUNGSHIKHÜN 107:25

Tümüde apinü thiyukhüm jihchoh tüsho chinthrüm apung asürüshihchoh, junü keto abükkhi bekihchoh.

ISAIA 5:30

Ju nimung arünü keto ahukkhi nangde ju kheak ahukbah. Tüsho khürünü lomi kheak kheahsho amiting tüsho lümthsünü lang alabah; tüsho ayin ju amonü mitingdo kamshihchoh.

JEREMIA 21:13

Kheahang, inü nüsa azhihchoh, O jindükhün ching larübo, O adükhün lungto, Atungpuhnü thachoh; nüsa sherünü tha, “Shenü isa azhihde akikhukpü, yungsho shenü isa jikpung azahkhukpü?”

JEREMIA 25:22

Tair kiulongthsürü alala, Sidon kiulongthsürü alala, tüsho keto hobah keyean lomi kiulongthsürü alala;

JEREMIA 50:31

Inü nü azhihlah, O kükheangküyangbuh, Wuto Atungpuh Thrünpuhnü thachoh; tümüde nü nimung, inü nü thsümüchipü kim arüdo.

JEREMIA 50:42

Arünü sanglüh tüsho thsüh shuhlah, arübo bukmüke tüsho mihmüthsüm müla. Arü düsheak ju keto arungkhi nangde lah; arübo khorabo kheak binlah, keochihpü thirithsürü nangde duklanglah, nü azhihde, O tsührübe Babilon!

JEREMIA 51:42

Ketonü Babilon kurungkheak zünkihdo; anihbe ju düchi ke-abükkhinü zündoa lah.

JEREMIA 6:23

Arünü sanglüh tüsho thsüh thrüa luchoh, arü bukmüke tüsho mihmüthsüm müla, arü düsheak ju keto ahukkhi nangde lah; arübo khorabo kheak binlah, thirithsürü nangde nüsa azhihde züt thsülah, O Zion tsührübe!

EZEKIEL 21:3

tüsho anihbe ki thaang: Atungpuhnü ha thachoh: Inü nü azhihde lah. Inü nuktrüp chingnü nukshang dukkhitbah tüsho nü kheaknü thiyuro lakhi tüsho mihbukmuyuk chido lipkhibah.

EZEKIEL 26:19

Tümüde Atungpuh Thrünpuhnü ha thachoh: Küyimki inü mihtsürü mülakhi kiuto nangde athsümünimkhi kiuto kamshihba, küyimki inü nü kheak asük hande akihba, tüsho ke atobonü nü zündoba,

EZEKIEL 27:26

Nü sangkung berübonü nü ketobo asük ching bedarü. Aniakhiuklim pungnü nü keto phulung ching yünphülap.

EZEKIEL 28:22

tüsho thaang, Atungpuh Thrünpuhnü ha thachoh: Inü nü azhihde lah, O Sidon, tüsho nü phulung ching inü müretahbah. Küyimki inü ju ching mahkhapba, tüsho ju ching I amüsüh akhiukba, arünü I Atungpuh de mükheahbah;

EZEKIEL 29:10

jumonü, inü nü tüsho ayungbo azhihde lah, tüsho inü Ijip lomi shahde thsümünimbah tüsho, Migdol chingnü Sene, Ethiopia aredungyean khiungde azhihshihbah.

EZEKIEL 38:3

tüsho thaang: Atungpuh Thrünpuhnü ha thachoh: Inü nü azhihde lah, O Gog, Meshek tüsho Tubal akubeato yakzanshuhbuh;

EZEKIEL 5:8

Jumonü Wuto Atungpuhnü ha thachoh: Jirusalem, inü I küdah thsüde nü azhihchoh, tüsho trükshihbo mikinü inü nü mahkhapbah.

MIKA 4:11

Kheakü trükshih ahihdo nü azhihde mukhungbah thachoh, “Anihbe müneanshang, tüsho isa mükbonü Zion kheak kheahshang.”

NAHUM 2:12

Kekhüzünü amüyambe tüsho anunu khilim shih laksah tüsho adütre kamde thonak; apinü shih thonakkhinü ayam mishih.

NAHUM 3:5

inü nü azhihde lah, Wuto Atungpuhnü thachoh, tüsho nü rungthsün nü miro kheak lahkihjihbah; tüsho inü trükshihbonü nü bünkeang kheak tüsho kiulongthsübonü nü achih ngükhi kheahshihbah.

ZEKARIA 14:2

Tümüde inü trükshih alala Jirusalem azhihde keochihpü bemukhungbah, tüsho kiuto lubah tüsho thüyambo lubah tüsho aliberübo reangkihde thsümüchibah; mihtsürü niukshakkhüh ramtso ching yübah, tüshe aningkhi mihtsürü kiuto chingnü müdükheak.

ZEKARIA 9:4

Tüshe kheakü, Atungpuhnü lakhit-kukrukbo lubah tüsho lakhit ju keto ching jipyukbah, tüsho ju monü aniuabahbah.

LUKNÜ ATHRÜTKHI THIYUSHEAK-ATSÜ HUHTANYU 21:25

“Tüsho judüki ani ching, khinu ching tüsho chiningbo ching amütsanbo labah; alomi kheak trükshih lümthsünü, tüsho keto ahukde abukkhinü ayingyingkhi labah;