EZEKIEL 10:3 - AMÜSÜH HÜM CL Bible (BSI)

³ Mihtsürü yüzahchoki cherubimbo ju arüngyam düjinglim zhipde alakheah, tüsho amonü alungbe khikzhakpung mi.

EZEKIEL 10:3 Iomraidhean Croise

THRÜNTAN 3:24

Junangde apinü mihtsürü ju yankhitabah; tüsho apinü rhangdung limro aheangshihpü Eden shahwün aniakhiuklim cherubim tüsho azhingzhing nukshang khülang khülim khülim phürapde zo.

ABEKHIT 25:18

Tüsho nüsanü sunanü kingde cherubim mahne thsübah; mihmüthsüm binkiu mahne akheam kheak thsang.

EZEKIEL 43:4

Aniakhiuklim abinkhi chipiripit chingnü Atungpuh müretahkhi arüngyam ching azahshu,

EZEKIEL 46:1

Atungpuh Thrünpuhnü ha thachoh: Alungbe khikzhakpung ripit aniakhiuklim abinkhi ju rhimopü lakhi nimung thuruk ni rihdoa labah; tüshe amunimung tüsho khinu aso nimung ha khimshuhbah.

EZEKIEL 8:16

Jushu apinü I Atungpuh yam khikzhakpung alungbe ching bede yüzah tüsho arüngyam limro kheak mükü le kingaün sadam dükeak mihtsürü 25 lakheah. Arü düthsün Atungpuh arüngyam lim thsü tüsho arü miro aniakhiuklim abinbah ani ki khukningde alakheah.

EZEKIEL 8:3

Apinü khah nangde chungkhit tüsho I kuyü kheaknü zünga lu. Menü I alomi le yinmi dükeak shuhkih tüsho Thrünpuh michih ching apinü I Jirusalem lim, alungbe khikzhakpung dukulim ripit yüzahpung, sangthsünü Thrünpuh bukakhiukshihpung bebah yüzah.

EZEKIEL 9:3

Kheakü Israel Thrünpuh müretahkhi ju alapung cherubim kheaknü arüngyam ripit ki wutu. Judüki athrütrü arheang ki labuh khim zhingzhing yihbuh ki Atungpuhnü ji;