EZEKIEL 1:4 - AMÜSÜH HÜM CL Bible (BSI)

⁴ Inü kheah, tüsho dukulim tsüngpungtsüngpung khülang arükhi ngü–amo ato ching chinchobe phürapde tüsho atahkihkhi ayinnü mükamdoa lakheah. Aphulungbe mo ju müwayinchi taklamlamkhi nangde lakheah,

EZEKIEL 1:4 Iomraidhean Croise

1 KIULONG THSÜRÜ 19:11

Apinü tha, “Wukhiukang tüsho awung kheak Atungpuh miki zhipang, tümüde Atungpuh hode ayüpü thsüchoh.” Kheakü apung ato lakheah, khide amüküpkhinü awungbo tüsho lungbo Atungpuh miki adütre kamde trüabah, tüshe apung ching ju Atungpuh mülakheah; tüsho apung dunglim muliuyuk züng tüshe Atungpuh ju muliuyuk ching mülakheah;

2 KIULONG THSÜRÜ 2:11

Anenü mutuklode tsahde tüsho asukachihde alachoki, mo-lolungbe tüsho mo-khorabonü ane azüshih, tüsho Elija a chitmühean chingnü yinmi lim yükihabah.

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

JOB HU H T ANYU 38:1

Judüki Atungpuhnü chinthrüm chingnü Job ki alo:

MUNGSHIKHÜN 50:3

Isa Thrünpuh arüchoh, apinü zhikde müla, api müngüh amuliube mo lah, api mükamde chinthrüm ato lah.

ABEKHIT 9:24

arulung aki tüsho chinchobe dunglim tüsho müngühlim phürap. Ha Ijip lomi alala ching trükshih khülang kambah arükhi dükeak ching mülangde aru shukhi khülang lakheah.

ISAIA 19:1

Ijip dünkheak müchityu. Kheahang, Atungpuh ju ashankhi amo kheak binlah tüsho Ijip lim arüchoh; Ijip sangthsübo api miki ajanbah, tüsho arü bolung Ijiprü mulong niuthünakbah.

ISAIA 21:1

Keto sunglo dünkheak müchityu. Negeb ching chitmühean yünkhi nangde, ha loshelo chingnü, atrebe lomi khülang chingnü arüchoh.

JEREMIA 23:19

Kheahang, Atungpuh tsüngpungtsüngpung! Bukakhiukkhi tsodo, chitmühean khülang; ha mihbukmuyuk ku kheak keamkihbah.

JEREMIA 25:32

Wuto Atungpuhnü ha thachoh: Kheahang, thsümütsü ju trükshih chingnü trükshih ching buchoh, tüsho alomi akheam chingnü chitmühean akihchoh!

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 4:6

Zion limpeang riphin shuhkihang, tsoyukpung yimang, dashu, tümüde inü dukulimnü amütsü tüsho athsümünim ato handarado.

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

EZEKIEL 1:27

Jakphü ju mo phulung zhingzhingkhi müwayinchi nangde alakheah. Junü alala ching zhingzhingde yinshih.

EZEKIEL 13:11

Amüyenü mujudorü ki ha akeambah de thaang. Tsüngnü düchi bede arübah, tüsho akingbeakshihpü arulung akishihbah, tüsho apung amüküpnü yünbeakshihbah.

EZEKIEL 13:13

Jumonü Wuto Atungpuhnü ha thachoh: I mulong zhipzhip ching inü apung amüküp tüsho I bukakhiukkhi ching arulungbo dükhebah tüsho tsüng ju düchibo bede athsümünimpü thsüde arübah.

EZEKIEL 43:3

Inü angükhi michih ju apinü kiuto thsümünimpü arüchoki inü Kebar Ayung ki ngükhi michih nangde alakheah; tüsho inü I miro mükhüm.

EZEKIEL 8:2

Inü kheah, tüsho inü mihtsürü jakphü nangde ngü. Api chim abolim ju mo nangde la, tüsho junü akulim ju müwayinchi phezhingzhingkhi nangde la.

ZEKARIA 6:6

Khorabo amürak lakhi lolungbe ju dukulim lomi lim yü, amüyebonü aniyüzahlim lomi thrip yü, tüsho aneakjikbonü düjinglim lomi thrip yü.”

IBRI 12:29

tümüde isa Thrünpuh a aniuabahbe mo ah.

AMIKHEAKAKHIUKKHI 1:15

api jing ju aphezhingzhingkhi, mo chingnü atsangkhitkhi müwayinchi nangde, tüsho api düsheak ju kezho ahukkhi nangde alakheah;