EZEKIEL 1:3 - AMÜSÜH HÜM CL Bible (BSI)

³ Kebar Ayung ki Kaldearü lomi ching, Buzi tsührü amükeambuh Ezekiel kilim Atungpuh yu arü; tüsho ju ching Atungpuh khah api kheak lakheah.

EZEKIEL 1:3 Iomraidhean Croise

1 KIULONG THSÜRÜ 18:46

Tüshe Atungpuh khah Elija kheak lakheah; apinü achim rüma lu tüsho Jezreel limro lim Ahab müngüh alihde yü.

2 KIULONG THSÜRÜ 3:15

Tüshe I kilim khün thsürü bede arang.” Tüsho küyimki khün thsübuhnü kingde alakhea, Atungpuh wu api kheak arü.

MUNGSHIKHÜN 137:1

Babilon ayungbo ki isa bin, küyimki isanü Zion lümkhitkheanü isa trip.

JEREMIA 1:2

Amon tsührü Juda kiulongthsüpuh Josia nimungbo ching api kiulongthsü kam thürükheak mahsampü ching anihbuh kilim Atungpuh yu arü.

JEREMIA 1:4

Kheakü Atungpuhnü I ki tha,

JEREMIA 29:15

Tümütüsho nüsanü tha, “Atungpuhnü isa thsungkheak Babilon ching wukihrübo arüshihdo,”–

EZEKIEL 1:1

Kam samrüpü, khinu phüyi ching, nimung phüngü nipü, I Kebar Ayung ki ramtsorü bolung lachoki, yinmibo khimshuhkhi inü ngü, tüsho inü Thrünpuh michihbo ngü.

EZEKIEL 10:15

Judüki cherubimnü akulim wusurü. Harü ha Kebar Ayung ki inü angükhi arhang shiwühbo lakheah.

EZEKIEL 12:13

Inü api thsungkheak keang zobah, tüsho I qimürip ching api phuhbah; inü api Kaldearü lomi Babilon ching handarübah, tüshe apinü ju müngükhuk, tüsho api ju ching shebah.

EZEKIEL 3:14

Judüki menü I shuhkih tüsho bebah tso, tüsho I kheak Atungpuh khah amüküp lade, khühde tüsho I me bukakhiukkhi chingnü yü.

EZEKIEL 3:15

Tüsho I Kebar Ayung phünide Tel Abib ching lakhi ramtsorü lung arü. Tüsho arü lapung ching arü bolung shangmanga I nimung thüne bin.

EZEKIEL 3:22

Ju ching Atungpuh khah I kheak lakheah, tüsho apinü I ki tha, “Asürang tüsho adükhün ching wukhiukang, tüsho ju ching inü nü ki asukbah.”

EZEKIEL 3:23

Jumonü inü asürü tüsho adükhün ching wukhiuk. Tüsho ju ching Atungpuh müretahkhi, Kebar Ayung ki inü angükhi müretahkhi nangde alakheah, tüsho inü I miro mükhüm.

EZEKIEL 33:22

Kheakü arelim atsorü arüpü müngüh Atungpuh khah I kheak lakheah; tüshe yapsu I kilim atsorü arüchoki apinü I mün khimshuhjih; jumonü I mün khimshuh-a lakheah, tüsho inü masukkhukpü thsüde mülade alakheah.

EZEKIEL 37:1

Atungpuh khah I kheak arü, tüsho Atungpuh me ching I bekhit tüsho jindükhün khülang phulung ching binshih; ju robonü mide alakheah.

EZEKIEL 40:1

Isa ramtsokhi kam mukukheak phüngüpü ching, kam atankih, nimung thürü nipü, kiuto thsümünimbah kam thürükheak phüyipü dunglim ju nimung tsütsü, Atungpuh khah I kheak lakheah, tüsho apinü I ju ching bedarü.

EZEKIEL 43:3

Inü angükhi michih ju apinü kiuto thsümünimpü arüchoki inü Kebar Ayung ki ngükhi michih nangde alakheah; tüsho inü I miro mükhüm.

EZEKIEL 8:1

Kam thuruk, khinu thuruk nimung phüngü nipü, küyimki I yam ching I binde lakhea tüsho Juda azothsürübo I miki binde lakhea, Wuto Atungpuh khah I kheak arü.

DANIEL 10:4

Akhuhbe khinu mukukheak phüyi nipü, I Tigri ayung ato yean zhipde lachoki,

HOSEA 1:1

Atungpuh yusheak ha Juda kiulongthsürü Uzzia, Jotham, Ahaz, Hezekia tüsho Israel kiulongthsüpuh Jehoash tsührü Jeroboam nimungbo ching Beeri tsührü Hosea kilim arü.

JOEL 1:1

Pethuel tsührü Joel kilim arükhi Atungpuh yu ha lah.

1 TIMOTHI 4:1

Kheakü ashulim kimbo ching mebo mülapyukkhi tüsho amünean yukhümbo anide akin chingnü khürü chamkhide atsobah de Menü thachoh.

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.