EZEKIEL 1:1 - AMÜSÜH HÜM CL Bible (BSI)

¹ Kam samrüpü, khinu phüyi ching, nimung phüngü nipü, I Kebar Ayung ki ramtsorü bolung lachoki, yinmibo khimshuhkhi inü ngü, tüsho inü Thrünpuh michihbo ngü.

EZEKIEL 1:1 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 46:2

Judüki Thrünpuhnü azhing michih ching Israel ki tha, “Jakob, Jakob!” Tüsho apinü alo, “I ha ching lah.”

MUNGSHIKHÜN 137:1

Babilon ayungbo ki isa bin, küyimki isanü Zion lümkhitkheanü isa trip.

ABEKHIT 24:10

tüsho arünü Israel Thrünpuh ngü. Tüsho api jing khüp ju shotolung-bluknü athsükhi limro thüning nangde müsühkhabündo alakheah.

ISAIA 1:1

Juda tüsho Jirusalem dünkheak, Juda kiulongthsürübo Uzzia, Jotham, Ahaz tüsho Hezekia kim ching ngükhi Amoz tsührü Isaia michih.

ISAIA 6:1

Kiulongthsüpuh Uzzia shekhi kam ching, inü Atungpuh kiulongthsü-binkiu kheak binde, achang tüsho shuhkih-a ngü; tüsho api shulünkhimnü arüngyam mi.

JEREMIA 29:15

Tümütüsho nüsanü tha, “Atungpuhnü isa thsungkheak Babilon ching wukihrübo arüshihdo,”–

EZEKIEL 1:3

Kebar Ayung ki Kaldearü lomi ching, Buzi tsührü amükeambuh Ezekiel kilim Atungpuh yu arü; tüsho ju ching Atungpuh khah api kheak lakheah.

EZEKIEL 10:1

Inü kheah, tüsho cherubim kubo kurungkheak adüthrün kumung ju shotolung-bluk kiulongthsü-binkiu nangde ngü.

EZEKIEL 10:10

Arü shihphü ju, arü phüyi akheahpü rukhüh lakheah; arü abande mükhapachihkhi lolungbe-jing nangde lakheah.

EZEKIEL 10:15

Judüki cherubimnü akulim wusurü. Harü ha Kebar Ayung ki inü angükhi arhang shiwühbo lakheah.

EZEKIEL 10:20

Harü ha Kebar Ayung ki Israel Thrünpuh bukkhüp inü angükhi arhang shiwühbo lakheah, tüsho arü ju cherubim thsüa lah de inü mükheahdo.

EZEKIEL 10:22

Arü mirobo ju inü Kebar Ayung ki ngükhi nangde rukhüh lakheah. Arü abannü mikhuhlim langakindo yü.

EZEKIEL 11:24

Menü I shuhkih tüsho Thrünpuh menü ajikhi michih ching I Babilon ching ramtsorü kilim bedarü. Judüki inü angükhi michih I kheaknü yükihabah,

EZEKIEL 3:15

Tüsho I Kebar Ayung phünide Tel Abib ching lakhi ramtsorü lung arü. Tüsho arü lapung ching arü bolung shangmanga I nimung thüne bin.

EZEKIEL 3:23

Jumonü inü asürü tüsho adükhün ching wukhiuk. Tüsho ju ching Atungpuh müretahkhi, Kebar Ayung ki inü angükhi müretahkhi nangde alakheah, tüsho inü I miro mükhüm.

EZEKIEL 40:2

Apinü I Thrünpuh michihbo ching Israel lomi lim bedarü tüsho müzüng khide achang kheak binshih; ju kheak düjinglim ju kiuto khülang thrünkhi nangde alakheah.

EZEKIEL 43:3

Inü angükhi michih ju apinü kiuto thsümünimpü arüchoki inü Kebar Ayung ki ngükhi michih nangde alakheah; tüsho inü I miro mükhüm.

EZEKIEL 8:3

Apinü khah nangde chungkhit tüsho I kuyü kheaknü zünga lu. Menü I alomi le yinmi dükeak shuhkih tüsho Thrünpuh michih ching apinü I Jirusalem lim, alungbe khikzhakpung dukulim ripit yüzahpung, sangthsünü Thrünpuh bukakhiukshihpung bebah yüzah.

HOSEA 12:10

Inü wukihrübo ki asuk; inü michihbo hihde kamshih, tüsho wukihrübo hode inü athsümünim hande arübah.

JOEL 2:28

Ju dunglim inü alala kheak I me dungkihbah; nüsa tsührübo tüsho nüsa tsührübebonü müchitbah, azobuhrübonü milimbo mibah, tüsho athrününgtsüngbonü michihbo ngübah.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

WÜHKHE 4:3

kam 30nü akumung tüsho kam 50 khiungde, ashorupung khimyam tankihpü ching yüzahkhukpü thsüde kheang.

MATHI 17:9

Arü awung chingnü akibah, Jisunü arü ki thiyukhüm jihde tha, “Mihtsürü Tsührü ashe chingnü masürüyikia she ki she ha michih dütha.”

MATHI 3:16

Küyimki Jisu baptikhea, apinü ke chingnü nahde akhiuk; tüsho kheahang, api kilim yinmibo khimshuh, tüsho Thrünpuh Me müthrithrümpü nangde api kheak aki keamde apinü ngü.

MARK 1:10

Jisu ke chingnü akhiukde alachoki, thüning khimshuhbah müthrithrümpü nangde api kheak Me akikhi ngü.

LUKNÜ ATHRÜTKHI THIYUSHEAK-ATSÜ HUHTANYU 3:21

Kheakü küyimki mihtsürü alala, tüsho Jisu she baptibah tamkhüntamnüde alakhea, thüning khimshuh-a lakheah,

LUKNÜ ATHRÜTKHI THIYUSHEAK-ATSÜ HUHTANYU 3:23

Küyimki api thsangyuthsangrapü tankihkhea, Jisu kam 30 azorü lakheah. Mihtsürübonü alümkhi nangde api ju Heli tsührü Josep tsührü lakheah,

JOHAN 1:51

Tüsho apinü anihbuh ki tha, “Atsütsü inü nü ki thachoh, ha dunglim nünü yinmi khimshuhbah Thrünpuh yunirübo Mihtsürü Tsührü kheak yükihla akila dükhi ngübah.”

YUNIRÜBO RHIMO 10:11

Apinü thüning khimshuhbah, tümüanü pheak ato nangde amünkheam phüyi kheaknü alomi kheak akishihde ngü.

YUNIRÜBO RHIMO 10:3

Anirelim 3 king ngüm Thrünpuh yunirü arübah api ki thakhi michih ching mütsande ngü, “Kornelia”.

YUNIRÜBO RHIMO 7:56

tüsho apinü tha, “Kheahang, yinmi khimshuhkhi, tüsho Thrünpuh khah tsülim Mihtsürü Tsührü zhipkhi inü ngüchoh.”

2 KORINT 12:1

Alü thsüpü tümü mülalashe inü akükheangpü lah; tüshe inü Atungpuh michihbo tüsho amikheak akhiukkhibo thaanü.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

AMIKHEAKAKHIUKKHI 4:1

Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.”