ESTER 9:27 - AMÜSÜH HÜM CL Bible (BSI)

²⁷ Jihudarübonü arü thsungkheak yakzan thsü, arü tsührü tsührübo tüsho shepü Jihudarü kambanü, Mordekainü athrütkhi yande kim dükdü ching kam aban mahne ni mülakphahde amupü yakzan thsü.

ESTER 9:27 Iomraidhean Croise

ESTER 8:17

Kiuto tüsho lomi aban ching kiulongthsüpuh yusheak küyimki khekhea, Jihudarübonü mude asühkhi thünio niode mung. Tüsho lomi ching püpürü mihtsürübo she ahihkhüh Jihudarü kam, tümüde kheaküa arübonü Jihudarübo treabah.

ESTER 9:20

Mordekainü adünjikhi alala thrütbahle aphüni tüsho limshu larü Jihudarü kilim, Persia kiulongthsü alala ching yüshih,

ESTER 9:21

ju Adar khinu thürükheak phüyi le thürükheak phüngü ni ju kam aban amuni thsang dükhi ah.

ESTER 9:28

Lün lün ching yamkhün aban, kiuthsü aban, tüsho kiuto aban ching harü nimungbo lümkhitbah, tüsho Purim thünio ha Jihudarü trük alalanü mülakphahde yihkhia lude alapü thsü.

MUNGSHIKHÜN 78:7

Judüki arünü Thrünpuh kheak kinbah tüsho api rhimobo amüsüh mümih tüshe api yukhüm bo zobah.

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 56:3

Khiungkerünü ha thade A TU N GPU H lung darüshih, “Tsükjide Atungpuhnü I api mihtsürü kheaknü akhinshihbah”; tüsho dukhanü düthashih, “ I a akung sangdung khülang lang ah.”

ISAIA 56:6

Tüsho khiungkerübo sherünü Atungpuh lung arihcho, api tankihpü, Atungpuh mung muzhopü, tüsho api yamlarü thsüpü, amuni mungrü alala tüsho ju mümüneanjihcho, tüsho I yo tangzüng dükde ramlocho–

EZEKIEL 16:61

Judüki nünü nü chi pürü nü kheaknü azopü tüsho akheambe nünü leangkhichoki nünü nü limrobo lümkhitbah tüsho achih ngübah. Inü arübo nü kilim tsührübebo nangde ajihbah, tüshe inü nü kheak tangzüngkhi yande yung.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

WÜHKHE 15:15

Nüsa le nüsa lung larü khiungkerübo thsungkheaknü lün thsungkheak yakzan khülang labah; nüsa künangde la, junangde khiungkerü she Atungpuh miki rukhüh labah.

YUZÜNGTHALO 5:3

Atungpuhnü ha isa bebuhrü kheak mütangzüng, tüshe khihni ha ching lakhi rhangdung larübo isa ki ah.

JIHUSUA 9:15

Jihusuanü Gibeonrü kheak mungtsü thsüde alashihpü mülü. Tüshe Israelrü botonü arü kheak thiyuchihchimde alokhi.

MAHKHAPRÜ 11:40

junangde Israel tsührü aliberübonü Gileadrü Jephtha tsührübe dünkheak tüzhopü kam aban nimung phüyi yüde alakheah.

1 SAMUEL 30:25

Ju nimungnü apinü Israel thsungkheak yakzan tüsho thiyuzüng thsü; ha khihni khiungde lah.