ESTER 9:19 - AMÜSÜH HÜM CL Bible (BSI)

¹⁹ Jumonü kiulongbo ching larü Jihudarübonü Adar khinu thürükheak phüyi nimung ju asühachihde, tüsho tsühyungachihde khülangnü khülang thsambah jihachihde mungchoh.

ESTER 9:19 Iomraidhean Croise

ESTER 8:17

Kiuto tüsho lomi aban ching kiulongthsüpuh yusheak küyimki khekhea, Jihudarübonü mude asühkhi thünio niode mung. Tüsho lomi ching püpürü mihtsürübo she ahihkhüh Jihudarü kam, tümüde kheaküa arübonü Jihudarübo treabah.

ESTER 9:20

Mordekainü adünjikhi alala thrütbahle aphüni tüsho limshu larü Jihudarü kilim, Persia kiulongthsü alala ching yüshih,

ESTER 9:22

Harü nimungbo ju Jihudarübo arü riri kheaknü lümyinkhi; tüsho mulong thsümünimkhi adükheakbe chingnü asühpü nimung müthrikhi khinu lakheah. Harü nimungbo ching boto tsühyungachihde, tsühyungbenü thsambah khülangnü khülang ki jihachihde tüsho zhochihrü kilim thsambahbo jihshihpü arü ki thrüt.

ZEKARIA 2:4

tüsho api ki tha, “Alihang, ju athrününgtsüng mihtsürü ki thaang: Jirusalem ju mihtsürü tüsho shiwüh hihkhinü chipi mayündoride alabah.

LUKNÜ ATHRÜTKHI THIYUSHEAK-ATSÜ HUHTANYU 11:41

Tüshe nüsa pung le phuru ching lakhi ju zhochihrü kilim jihang; jushu nüsa thsungkheak alala amüsüh labah.

YUZÜNGTHALO 15:7

“Atungpuh nüsa Thrünpuhnü ajihkhi lo ching nüsa kiutobo khürü ching nüsa bolung keoniorü zhochihrü lasho, nünü nü mulong dümüküp yungsho nü keoniorü zhochihrü ki düzhimdang;

YUZÜNGTHALO 16:11

Nü tüsho nü tsührü le tsührübe, nü yamlabuhrü le yamlaberü, nüsa chipimurung khüp lakhi Levirü, hanrü tüsho mürerü tüsho nüsa lung lakhi khimoberü alalanü Atungpuh nüsa Thrünpuhnü api mung zopü mokhitkhi dangpung chingnü Atungpuh Thrünpuh miki asühachihang.

YUZÜNGTHALO 16:14

tüsho nü le nü tsührü tüsho tsührübe, nü yamlabuhrü tüsho yamlaberü, Levirü tüsho nüsa chipimurung khüp lakhi hanrü, mürerü tüsho khimoberünü thünio jimpung thsakhamkhi ching asühachihang.

YUZÜNGTHALO 3:5

Harü kiutobo alala chipi achangnü tüsho chipimurung le akhrihbe thsübah alakheah, tüsho chipi müthsükhi kiutobo she ahihdo lakheah.

AMIKHEAKAKHIUKKHI 11:10

tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo.

1 SAMUEL 25:8

Nü yo athrününgtsüngrü ki keokhiang, tüsho arünü nü ki thabah. Jumonü nü yo athrününgtsüngbo nü mük ki amuzho ngüshang; tümüde isa thünio nimung khülang ching arükheah. Muzhobah nü khah ching tümüpürü lanü nü yamlarübo tüsho nü tsührü David kilim jihang.’ ”