ESTER 9:18 - AMÜSÜH HÜM CL Bible (BSI)

¹⁸ Tüshe Susa ching Jihudarübonü thürükheak mahsam le thürükheak phüyi ni khiungde laksahbah thürükheak phüngü nimung lang thiri-arüng ju mung.

ESTER 9:18 Iomraidhean Croise

ESTER 8:11

Harü kihüm ching zahkhi ju, kiuto abande Jihudarübonü arü thsungkheak limzhimpü thsüde küdang lapü kiulongthsüpuhnü mülülah de thrüt. Mürangkhüh püpürü lomi mihtsürü thirithsürü arübahle Jihudarü, arü tsührü niuberü yansho, arünü she keochihlode asheshihpü kuklah; tüsho laksahkhamde arü lakhitbo she yankhia lupü kuklah de thrüt.

ESTER 9:1

Adar khinu nimung thürükheak mahsam ni, kiulongthsüpuhnü Jihudarü arü riri khah ching yüzahshihpü mülüjihkhi khiung, ju nimung arü riribonü arü kukpü mükkin thsü tüshe ju müthri arü kurungkheak Jihudarübonü kuk.

ESTER 9:11

Ju nimung Susa ching mihtsürü ahihkhüh laksahkhi kiulongthsüpuh ki thiyusheak jih.

ESTER 9:13

Tüsho Esternü alo, “Nünü mulonga lasho Jihudarübonü Susa ching khihni nangde shido she rhimoshang. Tüsho Haman tsührübo arü thürü ju süksahdung kheak zhinpü mülüjang.”

ESTER 9:15

Adar khinu nimung thürükheak phüyi ni Jihudarübo Susa ching mukhunglobah ju kiuto ching mihtsürü 300 laksah, tüshe arünü kukruk a tümü mulu.

ESTER 9:2

Jihudarü lomi kiutobo alala ching arü laksahpü lümrübo athrihpü trüngmusu. Alala ching mihtsürübonü arü tre, tüsho arü azhihde shenü she müzhipkhuk.

ESTER 9:21

ju Adar khinu thürükheak phüyi le thürükheak phüngü ni ju kam aban amuni thsang dükhi ah.