ESTER 9:17 - AMÜSÜH HÜM CL Bible (BSI)

¹⁷ Ha Adar khinu nimung thürükheak mahsam ni lakheah. Ashidopü, thürükheak phüyi ni ju alaksahkhi müla, tüshe asukachihde thiriarüngkhi tsühyungde mung.

ESTER 9:17 Iomraidhean Croise

ESTER 3:12

Jushu akhuhbe khinu, thürükheak mahsam nipü Hamannü kiulongthsüpuh yo athrütrübo jibah thiyusheak ahiuhpü kiulongthsübo ching thiyutha abannü angüshihpü thsüde khede thrütshihbah atorübo tüsho kovünorbo kilim jihpü thsakham. Ju Zerzes mung chingnü yingkhümnü yümbah yüshih.

ESTER 8:9

Ha Sivan de ajikhi khinu mahsam nimung mukukheak mahsam ni dünjikheah; Mordekainü kiulongthsüpuh yo athrütrübo jibah Jihudarü dünkheak kihüm thade thrütshih, tüsho ju yakzanshuhrü, thiyuzüng ahorirü alala, lomi 127 kilim, India chingnü Ethiopia khiungde yüshih. Kihümbo ju lomibo ching thiyumüthsü tüsho athrütkhi buh lungkiki chingnü thrüta mühah, tüsho Jihudarü kilim she arü yumüthsü chingnü thrüt.

ESTER 9:1

Adar khinu nimung thürükheak mahsam ni, kiulongthsüpuhnü Jihudarü arü riri khah ching yüzahshihpü mülüjihkhi khiung, ju nimung arü riribonü arü kukpü mükkin thsü tüshe ju müthri arü kurungkheak Jihudarübonü kuk.

ESTER 9:18

Tüshe Susa ching Jihudarübonü thürükheak mahsam le thürükheak phüyi ni khiungde laksahbah thürükheak phüngü nimung lang thiri-arüng ju mung.

ESTER 9:21

ju Adar khinu thürükheak phüyi le thürükheak phüngü ni ju kam aban amuni thsang dükhi ah.