ESTER 9:15 - AMÜSÜH HÜM CL Bible (BSI)

¹⁵ Adar khinu nimung thürükheak phüyi ni Jihudarübo Susa ching mukhunglobah ju kiuto ching mihtsürü 300 laksah, tüshe arünü kukruk a tümü mulu.

ESTER 9:15 Iomraidhean Croise

ESTER 8:11

Harü kihüm ching zahkhi ju, kiuto abande Jihudarübonü arü thsungkheak limzhimpü thsüde küdang lapü kiulongthsüpuhnü mülülah de thrüt. Mürangkhüh püpürü lomi mihtsürü thirithsürü arübahle Jihudarü, arü tsührü niuberü yansho, arünü she keochihlode asheshihpü kuklah; tüsho laksahkhamde arü lakhitbo she yankhia lupü kuklah de thrüt.

ESTER 9:10

harü mihtsürü thürü ha Jihudarü riri Hammedatha tsührü Haman tsührübo ah; tüshe arünü kukruk a muqiu.

ESTER 9:12

Apinü Ester ki tha, “Susa chingnü lang Haman tsührü thürü bebah mihtsürü 500, Jihudarünü laksahdo. Tüsho lomi püpü ching she arünü tümü rhimode! Kheakü nünü tümü lunela? Ju inü amülüjihbah. Tümü künlanü I ki thaang, tüsho ju arhimobah.”

ESTER 9:13

Tüsho Esternü alo, “Nünü mulonga lasho Jihudarübonü Susa ching khihni nangde shido she rhimoshang. Tüsho Haman tsührübo arü thürü ju süksahdung kheak zhinpü mülüjang.”

ESTER 9:14

Ha rhimoshihpü, kiulongthsüpuhnü Susa ching thiyukhüm jih, tüsho arünü Haman tsührü thürü ju zhina zo.

ESTER 9:16

Lomibo ching Jihudarü püpürübo she shumukhung tüsho arü rhangdung thsungkheaknü düküngde zhip. Arü mükheahnerü thiriri 75,000 laksahkhinü arü reangkeamdo, tüshe arünü kukruk a mulu.

ESTER 9:2

Jihudarü lomi kiutobo alala ching arü laksahpü lümrübo athrihpü trüngmusu. Alala ching mihtsürübonü arü tre, tüsho arü azhihde shenü she müzhipkhuk.

1 TESALONIKA 5:22

amütsü mungjibo chingnü bahkhiang.

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”