ESTER 9:13 - AMÜSÜH HÜM CL Bible (BSI)

¹³ Tüsho Esternü alo, “Nünü mulonga lasho Jihudarübonü Susa ching khihni nangde shido she rhimoshang. Tüsho Haman tsührübo arü thürü ju süksahdung kheak zhinpü mülüjang.”

ESTER 9:13 Iomraidhean Croise

2 SAMUEL 21:6

api tsührü athrürü 7 ju isa kilim jihang, tüsho Atungpuhnü mokhitkhi Saul kiuto Gibeon kheak Atungpuh miki isanü arü wuka zhinbah.” Kiulongthsüpuhnü tha, “Inü arübo jihabahbah.”

2 SAMUEL 21:9

apinü arübo Gibeonrü khah ching jih, tüsho arünü arübo Atungpuh miki awung kheak zhin. Arü 7 ju rukhühnü dükheakabah. Arü ju barli yimlukhi atankih ching akhuhbe nimung sheshih.

ESTER 8:11

Harü kihüm ching zahkhi ju, kiuto abande Jihudarübonü arü thsungkheak limzhimpü thsüde küdang lapü kiulongthsüpuhnü mülülah de thrüt. Mürangkhüh püpürü lomi mihtsürü thirithsürü arübahle Jihudarü, arü tsührü niuberü yansho, arünü she keochihlode asheshihpü kuklah; tüsho laksahkhamde arü lakhitbo she yankhia lupü kuklah de thrüt.

ESTER 9:14

Ha rhimoshihpü, kiulongthsüpuhnü Susa ching thiyukhüm jih, tüsho arünü Haman tsührü thürü ju zhina zo.

ESTER 9:15

Adar khinu nimung thürükheak phüyi ni Jihudarübo Susa ching mukhunglobah ju kiuto ching mihtsürü 300 laksah, tüshe arünü kukruk a tümü mulu.

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

YUZÜNGTHALO 21:23

api mi ju sangdung kheak tsüngreroro düzo, tüshe nüsanü api ju ninü kiuyuka bahang, tümüde shepü zhindünü Thrünpuh muthrumüneankhi ah. Atungpuh nüsa Thrünpuhnü nüsa kilim yamrüplurüp jihkhi lo nüsanü mümüneanbeah.