ESTER 8:9 - AMÜSÜH HÜM CL Bible (BSI)

⁹ Ha Sivan de ajikhi khinu mahsam nimung mukukheak mahsam ni dünjikheah; Mordekainü kiulongthsüpuh yo athrütrübo jibah Jihudarü dünkheak kihüm thade thrütshih, tüsho ju yakzanshuhrü, thiyuzüng ahorirü alala, lomi 127 kilim, India chingnü Ethiopia khiungde yüshih. Kihümbo ju lomibo ching thiyumüthsü tüsho athrütkhi buh lungkiki chingnü thrüta mühah, tüsho Jihudarü kilim she arü yumüthsü chingnü thrüt.

ESTER 8:9 Iomraidhean Croise

2 KIULONG THSÜRÜ 18:26

Judüki Hilkia tsührü Eliakim, Shebna, tüsho Joanü limthobuh ki tha, “Muzhobah nü yamlarübo ki Aramik yu chingnü thaang, tümüde isanü ju anikhitlah; chipi ching larü mihtsürünü sode isa ki Juda yu chingnü dütha.”

2 KIUTHSÜYUKHEAN 15:10

Arübo Asa kiulongthsü kam thürükheak phüngü khinu asampü ching Jirusalem ching mukhung.

ESTER 1:1

Kiulongthsüpuh Zerzes shepü hode Indianü Ethiopia khiungde 127 kiulongthsü kurungkheak,

ESTER 1:22

Kiulongthsü lomi abande thiyutha tüsho athrütkhi limro yande, niubuhrü abannü nihbuh yamkhün ching atungpuh thsüang tüsho adüngakhi thsüde akheamyu thaang de thiyusheak jih.

ESTER 10:1

Kiulongthsüpuh Zerzesnü keyean tüsho api kiulongthsü aphulung ching larübo reangkih-a rhimoshihpü athsung.

DANIEL 4:1

Kiulongthsüpuh Nebukednezarnü mihtsürü alala, trükshihbo, tüsho alomi ching lakhi thiyutha kilim: Nüsa mungtsü laang!

DANIEL 6:1

Dariusnü kiulongthsü kurungkheak kovünor 120, kiulongthsü alala ching zopü mulongkhit,

DANIEL 6:25

Judüki kiulongthsüpuh Dariusnü mihtsürü alala tüsho lomiküp lüpdükhi ching thiyutha trükshih aban kilim thrüt: “ Nüsa tsüde laang!