ESTER 8:14 - AMÜSÜH HÜM CL Bible (BSI)

¹⁴ Kiulongthsüpuhnü thiyukhüm jihkhi nangde, khoraberübonü alü shande be. Thiyuzüng ju Susa kiuying ching boto ki she ahiuh.

ESTER 8:14 Iomraidhean Croise

1 KIULONG THSÜRÜ 4:28

Arünü nihbuh rhimo ayannü khorabo tüsho püpü khorabo thsungkheak barli tüsho hineang yihnüpü lakhi dangpung ching handarü.

2 KIUTHSÜYUKHEAN 30:6

Jumonü yunithsürübo Israel tüsho Juda alala ching, kiulongthsüpuh tüsho atorübo kilimnü kihümbo lubah, kiulongthsüpuh yukhüm yande yü, “O Israel mihtsürübo, Abraham, Isak, tüsho Israel Thrünpuh, Atungpuh kilim rholoang, junangde nüsa Asiria kiulongthsürübo khah chingnü atsokhit-aningkhi kilim apinü arholobah.

NEHEMIA 1:1

Ha Hakalia tsührü Nehemianü arhimokhi yukhean. Kislev khinu ching Artazerzes wuto kiulongthsükhi kam muku bankhitchoki, I Nehemia Susa kiuying ching lakheah.

ESTER 1:2

Susa kiulongthsü-binkiu chingnü yakzan shuh,

ESTER 2:3

Tüsho nü bukkhüp atorübo thiyia kiulongthsü aban chingnü anünürü jaktsübo yima handarünü ha Susa kiuying ching nü yam khiungshak aliberü binpung binshang. Arü kümbuh Hegai dukhanü jaktsü-mujumürabe jihde mujushang.

ESTER 3:13

Yunithsürünü thiyusheak alala ching hanbah yü. Athrütkhi ching ju, ha Adar khinu thürükheak mahsam nipü, Jihudarü alala–athunu tüsho azorü, aliberü tüsho azürü alala laksahkhambah de zahbah alakheah. Arübo ju amuzho mülade alaksahbah tüsho kukrukbo she alujihbah de thrütyuk.

ESTER 3:14

Mütsan-hüm thrütkhi ju mihbüm abannü ju nimung thsakhambah aleangshihpü thsüde kiuthsübo ching mihtsürü alala kilim khiungshihpü thsakham.

ESTER 3:15

Kiulongthsüpuh yukhüm hode thiyuzüng ju boto miki Susa kiuying ching thari, tüsho yunithsürünü ju yusheak lomibo ching hande yü. Susa kiuying lümshangmangnü mide alachoki kiulongthsüpuh le Haman ane a yukhu yungde bin.

ESTER 8:13

Mütsan-hüm thrütkhibo ju lomibo ching yakzan kampü thsüde mihtsürü alala kilim ahiuh, jude thsüsho Jihudarübonü arü ki royimpü ju nimung ching thsakhampü lakheah.

ESTER 8:15

Mordekainü kiulongthsü khim biyi le amüye, khimthünak yih tüsho suna kuthran thranbah kiulongthsü yam chingnü tsahmusu. Tüsho Susa kiuto ju asühkhi düsheaknü mide kam.

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

DANIEL 8:2

Michih ching inü kheahde alakheah tüsho I ju Susa kiuying, Elam lomi ching lade ngü, tüsho I Ulai ayung ki lakheah.

1 SAMUEL 21:8

Davidnü Ahimelek ki tha, “Nü lung ha ching thsüh yungsho nukshang müla de? Inü nukshang yungsho thsühnuk hanbah marü, tümütüsho kiulongthsüpuh rhimo ching I niokheamdo.”