ESTER 7:7 - AMÜSÜH HÜM CL Bible (BSI)

⁷ Kiulongthsüpuhnü abukakhiukde wusubah abinpung khiungshak chingnü wungdo ayam shahwün ching wukhiuk. Hamannü kiulongthsüpuh ngüchoki api thsümüchipü labah de lümbah arhangdung thsungkheak Ester dunglim mükhümde mushu.

ESTER 7:7 Iomraidhean Croise

ESTER 1:12

Tüshe küyimki yamlarübonü Vashti ki hoju thakhea, alibenü arüpü thsungloabah; junü kiulongthsüpuh mulong zhipzhipde kam.

ESTER 1:5

Jushu, nimung thüne lude Susa kiuying ching boto, zhochihrü alala thünio kipde kiulongthsürü-yam shahwün ching mung.

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

MUNGSHIKHÜN 112:10

Mihbukmuyuknü ju ngübah tüsho mulong rozhakbah; api hü mütrütbah tüsho niuabahbah; mihbukmuyuknü akünkhi dükheakbah.

MÜCHITMUDU 14:19

Amütsünü atsü miki mükhümbah, tüsho mihbukmuyuk ju thiyurolungkirü chipiripitbo ki labah.

MÜCHITMUDU 14:35

Kiulongthsüpuh muzho ju lümlung lakhi yamlarü kilim lah, tüshe api bukakhiukkhi ju achih ngüshihrü azhihde lah.

MÜCHITMUDU 16:14

Kiulongthsüpuh bukakhiukkhi ju ashekhi yunithsürü ah, tüshe lümlung larü mihtsürünü ju keamloshihchoh.

MÜCHITMUDU 19:12

Kiulongthsüpuh bukakhiukkhi ju kekhüzü arungkhi nangde lah, tüshe api muzho a rim kheak ayinke nangde lah.

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

DANIEL 3:19

Judüki Nebukednezarnü Shadrak, Meshak tüsho Abednego kheak mulong zhipzhip, tüsho arü ki api yakli müthriabah. Apinü motru ju püpüki kheaknü thüne ki alü takshihpü thiyukhüm jih,

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.

1 SAMUEL 20:7

Apinü tsülah de thasho, nü yamlarü tsüde alabah; tüshe apinü bukakhiuksho, apinü amütsü rhimopü lümkihdo de mükheahang.

1 SAMUEL 20:9

Jonathannü tha, “ Ju nü kheaknü limshuabahang! Nü kheak amütsü rhimopü I buhnü alümkihkhi inü mükheahbah inü nü ki müthapü?”

1 SAMUEL 25:17

Jumonü kheakü ha mükheahang tüsho nünü tümü rhimobeanü lümakheahang; tümüde isa putungpuh tüsho api yamkhün alala kheak amütsü rhimo lümkihabahdo; api ju shenü masukachihkhukpü thsüde mihbukmuyuk ah.”