ESTER 4:16 - AMÜSÜH HÜM CL Bible (BSI)

¹⁶ “Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

ESTER 4:16 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

THRÜNTAN 43:14

Tüsho Wuto Thrünpuhnü mihtsürübuh miki nüsa amüthsüm jihshang, junangde apinü nüsa niurü püpü le Benjamin büne dükhebah. I a tsührübo dükheakpü lasho, tümüyu lapü!”

2 SAMUEL 10:12

Reangzahang, tüsho isanü isa mihtsürü tüsho isa Thrünpuh kiutobo dünkheaknü mulong toanü; tüsho Atungpuhnü api tsükhi thsüshang.”

2 KIULONG THSÜRÜ 7:4

Mürangkhüh isanü, kiuto ching yüzahanü de thasho, kiuto ching khümzung lah, tüsho isa ju ching shebah; tüshe isa ha kheak binsho she isa ashebah. Jumonü, isanü Siriarü binkheampung ching yüanü; arünü isa rhangdung aningshihsho, isa rhangdung labah; tüsho arünü isa laksahsho, isa ashebah.”

2 KIUTHSÜYUKHEAN 20:3

Jehoshaphatnü trede alakheah; apinü Atungpuh yimpü thsakham, tüsho Juda alala ching, khümkeak thsüpü zhiyuk.

EZRA 8:21

Judüki isa tsührübo, kukrukbo tüsho isa thsungkheaknü limro mukhiungarihdo yimkhita lupü thsüde, Thrünpuh ki isa küdah thsüde azhihayihde khümkeak thsüpü Ahava ayung kinü inü zhiyuk.

ESTER 4:15

Esternü Mordekai kilim ha thalo:

ESTER 4:17

Esternü athakhi yande Mordekai yü tüsho ju alala rhimo.

ESTER 4:3

Kiulongthsüpuh yukhüm khiungkhi lomi alala ching, Jihudarü atüzhokhi ato lakheah. Arünü khümkeak thsüde trip, tüsho mitripde ahihkhühnü shungliukhim phuyubah awah ching awuh.

ESTER 5:1

Esternü khümkeak thsükhi asam nipü kiulongthsü shulünkhim yihbah, kiulongthsürü-yam alunglim, kiulongthsürü yam khiungshak mikhuh abinbah zhip. Kiulongthsüpuh ju alunglim kiulongthsübinkiu kheak azahlim abinbah bin.

ESTER 9:31

Purim nimungbo kim dükdü ching mungde alapü thsüde Jihudabuh Mordekai le kiulongthsübe Ester anenü tsühsoniusobo ki khümkeak thsüpü tüsho atüzhopü dünkheak yakzan thsüa jih.

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

JEREMIA 36:9

Josia tsührü Juda kiulongthsüpuh Jehoiakim kam phüngü, khinu tukupü ching Jirusalem ching mihtsürü alala tüsho Juda kiutobo ching Jirusalem ching arürü mihtsürü alalanü Atungpuh miki khümkeak thsüpü zhiyuk.

DANIEL 2:18

tüsho ha amüthakhukkhi aramyu dünkheaknü Daniel tüsho api müyamrübo Babilon lümlung larü mihtsürü lung müdükheakpü thsüde yinmi Thrünpuh kilimnü mihmuzho yimshihpü arü ki tha.

MATHI 12:40

Nimung mahsam tüsho tsüngre mahsam Jona thüngüh buk ching lakhi nangde, Mihtsürü Tsührü nimung mahsam tüsho tsüngre mahsam alo alunglim labah.

LUKNÜ ATHRÜTKHI THIYUSHEAK-ATSÜ HUHTANYU 9:24

Tümütüsho shepünü nihbuh rhangdung khümkhitbanü ju adükheakbah, tüshe shepünü I dünkheaknü nihbuh rhangdung dükheakchonü ju akhümkhitbah.

JOHAN 19:22

Pilatnü alo, “Inü tümü thrütdünü, inü thrütdo.”

YUNIRÜBO RHIMO 10:7

Küyimki api ki asukbuh yunirü chamachihkhea, apinü ayamlarü mahne tüsho mutuklode api aleangrü lungnü mulong-jihrü bonungrü mahne ji.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 21:13

Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

YUNIRÜBO RHIMO 27:33

Ayinkhipü lachoki Paulnü arü alala ki tsühyungbe khürü tsühpü mushude tha, “Nüsanü tsühyungbe tümü mütsühde arükhi khihni nimung thürükheak phüyi ni thsüchoh.

YUNIRÜBO RHIMO 9:9

Tüsho nimung mahsam apinü mükheahkhukde mütsühyungde alakheah.

ROMRÜ KILIM PAULNÜ ATHRÜTKHI KIHÜM HUHTANYU 16:4

anenü I rhangdung thsungkheak hahmülang luchoh–I tüsho khiungkerü borübo alalanü ane kilim makshe jihchoh;

FILIPI 2:30

tümütüsho nüsanü mukukkhi, api rhangdung jihde I rungpü ching, Khrista rhimo thsungkheaknü api shemüchihdo.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

1 SAMUEL 19:5

tümüde apinü Filistiarü yanchoki arhangdung shuhmülanga jihdo, tüsho Atungpuhnü Israel alala thsungkheak akuk ngükhi ato handarüdo. Nünü ju ngü tüsho asühachihdo; dale tümü thsükhi amülim mülarü David laksahkhinü neak yihbeakba le?”