ESTER 3:8 - AMÜSÜH HÜM CL Bible (BSI)

⁸ Hamannü kiulongthsüpuh ki tha, “Nü kiulongthsü bukkhüp trük khülang lah. Arünü püpürü kheaknü büthsüde yakzan ahorichoh. Ju lang yung, arünü nü yakzan mani, jumonü judürü mihtsürü kheak amümürang thsübe yung.

ESTER 3:8 Iomraidhean Croise

EZRA 4:6

Kheakü Zerzes kiulongthsü tankihchoki, arü riribonü Juda tüsho Jirusalem ching larü azhihde amülim jihkhi thrüt.

NEHEMIA 1:8

Nünü Mosa ki thakhi lümkhitjang: ‘Nüsa Israelrünü I kheak thiyuro mülasho, inü nüsa püpürü trükshih bolung hiumüzütshihbah.

ESTER 3:9

Kiulongthsüpuhnü mülüsho, arü sheshihpü thiyukhüm jihang, nünü ha rhimosho, nü kiulongthsü zokihpü thsüde inü shoto kukruk khahngak 340,000 zopü alokhibah.”

ESTER 4:1

Küyimki Mordekainü harü sokhea, akhim rukrüpbah shungliukhim phuyu tüsho awah mujubah kiuto phulung ching wukhiuk tüsho achangnü zhide trip;

JEREMIA 33:24

Nünü mihtsürübonü harü thakhi manikhit de, “Atungpuhnü mokhitkhi yamkhün mahne apinü bahyukdo,” tüsho trükshih khülang mükhejihde künangde arünü I mihtsürü bahyukcho?

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

EZEKIEL 11:16

Jumonü thaang: Wuto Atungpuhnü ha thachoh: Inü arübo trükshih bolung limshude yüshihshih she tüsho lomi bolung ching arü hiumüzütshihshih she, arü yükhi lomibo ching arü thsungkheaknü I arüngakopung khülang lakheah.

EZEKIEL 6:8

Tüshe inü khürü aningshihbah, tümüde nüsa lomibo tüsho trükshih bolung müzütchoki nüsa khürü nukshang chingnü atsokhitbah.

DANIEL 3:8

Jumonü, ha kim ching Kaldearü khürü mikhuh ching arü tüsho Jihudarü azhihde tha.

DANIEL 6:13

Judüki arünü kiulongthsüpuh ki alo, “Juda chingnü ramtsorü bolung khülang, Danielnü nü ki yungsho nünü mütsan-dokhi yukhüm mani, O kiulongthsüpuh, tüshe apinü nimung ching mahsam ki tamkhüntamnüchoh.”

DANIEL 6:14

Küyimki kiulongthsüpuhnü ha thakhi sokhea, api khide lümthsünüde kam. Apinü Daniel khümkhitpü lümkih, tüsho ani yüzah khiungde api khümkhitpü anihbuhnü lüpdükhi rhimoakheah.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.

ZEKARIA 7:14

tüsho inü arübo arünü mümükheahkhi trükshih alala bolung chinthrümnü hiumüzütshih. Hanangde arünü abahjihkhi lomi ju zhika lakheah, junangde shenü yüla arüla müthsü, tüsho alomi atsü ju zhika lakheah.

WÜHKHE 23:9

Lunghü mujuk chingnü inü arü ngüchoh, awungbo chingnü inü arü chinzhina kheahchoh, arübo büthsüde alakhi trükshih khülang ah; tüsho püpü trükshih kheaknü arü alü müngühmühibe de arünü mükheahlah.

JOHAN 7:35

Judüki Jihudarübonü arü bolung thaachih, “Api küching yüpü lümkhi isanü api müngüpü? Api ju isa mihtsürü lapung Greekrü lung yübah Greek thsangyupü lümla shi?

YUNIRÜBO RHIMO 24:5

Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah.

YUNIRÜBO RHIMO 28:22

Tüshe lümkhi tümüanü isanü nü kilimnü sonelah; tümüde alala ching ha khunung azhihde asukkhi isanü mükheahlah.”

YUZÜNGTHALO 30:3

Atungpuh nüsa Thrünpuhnü nüsa aramkhi chingnü belode arübah, tüsho nüsa kheak muzhode, Atungpuh nüsa Thrünpuhnü trük alala ching müzütshihkhi chingnü bemukhungbah.

YUZÜNGTHALO 32:26

Inü hade thakhülaa, Inü arü ashang ching hiumüzütshihbah, inü arü mihtsürü bolungnü alümkhitpü arün thsüshihbah,

YUZÜNGTHALO 4:27

Tüsho Atungpuhnü mihtsürü bolung nüsa hiumüzütshihbah, tüsho Atungpuhnü nüsa külimpeang bebanü trükshih bolung nüsa nükde alabah.

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

1 PETER 1:1

Jisu Khrista amüsüh-thsangyurü Peter kilimnü, Pontia, Galatia, Kappadokia, Asia tüsho Bithynia ching hiumüzüta larübo kilim,