ESTER 3:13 - AMÜSÜH HÜM CL Bible (BSI)

¹³ Yunithsürünü thiyusheak alala ching hanbah yü. Athrütkhi ching ju, ha Adar khinu thürükheak mahsam nipü, Jihudarü alala–athunu tüsho azorü, aliberü tüsho azürü alala laksahkhambah de zahbah alakheah. Arübo ju amuzho mülade alaksahbah tüsho kukrukbo she alujihbah de thrütyuk.

ESTER 3:13 Iomraidhean Croise

2 KIUTHSÜYUKHEAN 30:6

Jumonü yunithsürübo Israel tüsho Juda alala ching, kiulongthsüpuh tüsho atorübo kilimnü kihümbo lubah, kiulongthsüpuh yukhüm yande yü, “O Israel mihtsürübo, Abraham, Isak, tüsho Israel Thrünpuh, Atungpuh kilim rholoang, junangde nüsa Asiria kiulongthsürübo khah chingnü atsokhit-aningkhi kilim apinü arholobah.

ESTER 7:4

I mihtsürü tüsho I asheshihpü yindo. Athrürü tüsho aliberü azhorü kuhi ching yinkhi ruk lang she dükhülaa inü kiulongthsüpuh küpkhuk jihde mütha; tüshe isa asheshihpü thsüdo!”

ESTER 8:5

Tüsho anihbenü tha, “Ha kiulongthsüpuhnü mulongsho, tüsho nünü I muzhoa lasho yungsho nü miki ha lungkisho, Agag kheaknü atrükkhitbuh Hammedatha tsührü Hamannü Jihudarü sheshihpü kiuthsübo ching yakzan thsükhi ju mürhimopü nünü zhipdode thiyukhüm jihang.

ESTER 9:1

Adar khinu nimung thürükheak mahsam ni, kiulongthsüpuhnü Jihudarü arü riri khah ching yüzahshihpü mülüjihkhi khiung, ju nimung arü riribonü arü kukpü mükkin thsü tüshe ju müthri arü kurungkheak Jihudarübonü kuk.

ESTER 9:10

harü mihtsürü thürü ha Jihudarü riri Hammedatha tsührü Haman tsührübo ah; tüshe arünü kukruk a muqiu.

ESTER 9:5

Jumonü Jihudarünü arü riri kheak tümü rhimobeanü ju athrünkhi rhimokhuk. Arünü thsühnuk shuhbah yande laksah.

JOB HU H T ANYU 9:25

I nimungbo a alihrü kheaknü athribe; arübo shande tsoabahchoh, arünü tümü atsü müngü.

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

JEREMIA 51:31

Alihrü khülangnü püpürü shorupü tüsho yunithsürü khülangnü püpürü shorupü, api kiuto akheamnü akheam khiungde alukhi Babilon kiulongthsüpuh ki thapü alihchoh:

ROMRÜ KILIM PAULNÜ ATHRÜTKHI KIHÜM HUHTANYU 3:15

Thiyih bukpü arü jing athrilah,

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

1 SAMUEL 15:3

Kheakü yüang tüsho Amalekrü yanabahang, tüsho arü lakhi alala thsümünimjang; arübo daningshih, tüsho athrürü tüsho aliberü, azürü tüsho khungarü, moshipung tüsho namfimihnu, kemel tüsho donkibo laksahang.’ ”

1 SAMUEL 22:19

Saulnü amükeamrü kiuto Nob she nukshang yüzahshih; athrürü tüsho aliberü, azürü tüsho khungarü, moshipung, donki, tüsho namfimihnu, apinü nukshangnü laksah.