ESTER 2:9 - AMÜSÜH HÜM CL Bible (BSI)

⁹ Hegainü Ester kheak mulong keam, tümüde apinü alümkhi nangde alibenü rhimo. Alibe akheahakhamshihpü apinü kim dükdü ching mujumürade thsülüpjih tüsho tsühyungpü akeake akhin. Apinü Ester kilim anünürü thüne anihbe tankihshihpü mokhita jih tüsho kiulongthsürü lapung atsüdakbe ching lashih.

ESTER 2:9 Iomraidhean Croise

THRÜNTAN 39:21

Tüshe Josep lung Atungpuh lakheah tüsho api ki amüthsüm huh, tüsho rihyam aheangrü miki api amuzho ngüshih.

THRÜNTAN 39:4

Junangde api miki Josep amuzho ngü, tüsho api tankih. Apinü anihbuh ju api yam kheahrü kamshih, tüsho api lakhi alala akhah ching jih.

1 KIULONG THSÜRÜ 8:50

tüsho nü mihtsürünü nü azhihde neak yihbeakkhi tüsho arünü nü azhihde amülim rhimokhibo neak bahjang; tüsho arü ramrü miki arübo mihmuzho huhang, junangde arünü arü kheak mihmuzho labah

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

NEHEMIA 2:8

Tüsho kiulongthsüpuh sangmüküh neakbuh Asaph kilim, arüngyam shahwün chipiripitbo, kiuto chipi thsungkheak tüsho I lapung thsüpü sang jihshihpü kihüm thrütang de inü tha. Inü akheangkhi alala kiulongthsüpuhnü mülüjih, tümüde Thrünpuh I lung lakheah.

ESTER 2:12

Anünürübo mihbüm abande kheahtsübe mujumürabahle khinu thürükheak mahne dunglim Zerzes kiulongthsüpuh shorupü yakzan lakheah–khinu thuruk arhümthüneabe müdangke tüsho khinu thuruk arhümthüneabe püpü mungjibo mujujih.

ESTER 2:3

Tüsho nü bukkhüp atorübo thiyia kiulongthsü aban chingnü anünürü jaktsübo yima handarünü ha Susa kiuying ching nü yam khiungshak aliberü binpung binshang. Arü kümbuh Hegai dukhanü jaktsü-mujumürabe jihde mujushang.

ESTER 5:2

Küyimki apinü Ester wungdo zhipde angükhea, amulong ching muzhode lüm tüsho shoto tso amiki shuhkih. Alibenü arübah tso mulo kheak qiu.

MUNGSHIKHÜN 106:46

Apinü arübo ramde ayürübonü she arü kheak muzhoshih.

MÜCHITMUDU 16:7

Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

DANIEL 1:9

Kheakü Thrünpuhnü akubeatobuh ki Daniel lümrhihshihpü jih.

YUNIRÜBO RHIMO 7:10

api thsümütsü alala chingnü api bekhit tüsho Ijip kiulongthsüpuh Pharao miki amuzho tüsho lümlung jihbah apinü anihbuh Ijip tüsho api yamkhün alala kurungkheak kovünor kamshih.