ESTER 2:14 - AMÜSÜH HÜM CL Bible (BSI)

¹⁴ Arelim ju ching yü tüsho ashido yapsu zütthsü-yam püpü ching bede yübah kiulongthsüpuh hanniube kümbuh Shaashgaz dukhanü neakshih. Kiulongthsüpuhnü mürühde alibe mungnü müjiloyichokia mushoru.

ESTER 2:14 Iomraidhean Croise

THRÜNTAN 34:19

Jumonü athrününgtsüngbuhnü ju rhimopü mashu, tümütüsho apinü Jakob tsührübe kheak asüh. Api ju abuh yamkhün alala kheaknü wüntre jihkhi lakheah.

ESTER 2:13

Anünürübo ju arü binpung chingnü küyimki kiulongthsüpuh yam ching yübanü buh künkhi khimmih yihbah yüde la.

ESTER 2:15

Ester ju kiulongthsüpuh miki yüpü kim khiung. Abihail tsührü Ester, shepü Mordekainü mütrüa lukhea, angürü alalanü alibe tsülah de kheahkhit. Küyimki ayüpü kim khiungkhea, Hegai shepü zütthsüyam kurungkheak aberü lakhea, apinü athsunganahkhi nangde khimmih yih.

ESTER 4:11

“Athrürü yungsho aliberü, khürükhüh müjide kiulongthsüpuh yamlung lim yüzahsho ju mihtsürü ashepü tsütsü. Ju thiyukhüm ah; kiulongthsüpuh ki lümlung-jihrübo tüsho lomi mihtsürübonü mükheahlah. Ha yakzan hode atsokhitpü limro ju: Küyimki kiulongthsüpuhnü khürü ki shoto tso shuhkihbanü akhümkhitbah tüshe nimung samrü bande kiulongthsüpuhnü I müji.”

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 45:4

I yamlarü Jakob tüsho inü mokhitkhi Israel mung chingnü, inü nü mungnü jichoh; nünü I mümükheahkheah she inü nü mungnü jichoh.

YUZÜNGTHALO 21:14

Tüsho hanangde alabah, nünü anihbe kheak masühde lasho api zuzu thsüde dükheang, tüshe tsükjide nünü alibe sho mo düyin; nünü anihbe ki azhorü nangde dahori, tümütüsho nünü anihbe ki mükhemükim thsüdo.