ESTER 1:4 - AMÜSÜH HÜM CL Bible (BSI)

⁴ api kiulongthsü mungshimungthu tüsho lakhit huhde nimung chikheak zheahrü mung.

ESTER 1:4 Iomraidhean Croise

1 KIUTHSÜYUKHEAN 29:25

Atungpuhnü Israel alala miki Solomon changde shuhkih, tüsho Israel ching api müngüh kiulongthsürü she kheak mülakhi kiulongthsü wüntremüretah api kheak jih.

ESTER 1:3

api kiulongthsü kam asampü kheak thünio ching abukkhüp atorübo, yamlarübo tüsho Persia le Midia bonungrü torübo, kovünorbo tüsho amükheahrü kiulongthsübo chingnü jiyuk,

ESTER 1:5

Jushu, nimung thüne lude Susa kiuying ching boto, zhochihrü alala thünio kipde kiulongthsürü-yam shahwün ching mung.

JOB HU H T ANYU 40:10

Jude a sho wüntre-müretah tüsho akinashunü nü züt thsang; müretah tüsho atsüdak phuyuang.

MUNGSHIKHÜN 145:5

Inü nü müretahde atsüdakkhi nü wüntre-müretah, tüsho nü amüyinsahbe rhimobo lümakheahbah.

MUNGSHIKHÜN 21:5

Nü akhümkhit ching api müretah tode lah; akinashu tüsho wüntre-müretah nünü api kheak yihkihjih.

MUNGSHIKHÜN 45:3

Nü müretah tüsho nü wüntre-müretah, nü nukshang nü chim kheak rümkihang, O Wutobuh!

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

ISAIA 39:2

Hezekianü arübo leangkhi; apinü arü ki api rahpung-yam, shotoyinchi, suna, thüneathürabe, shoto müdangke, thsühnuk alala, api kukruk-zowupung ching lakhi alala huh. Api yam ching yungsho api kiulongthsü alala ching Hezekia nü arü ki muhuhkhi tümü mülakheah.

EZEKIEL 28:5

Nü shothsümolo ching lümlung ato hode nü lakhit alü thsüdo tüsho nü lakhit ching nü mulong kükheangde kamdo.

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

DANIEL 4:36

Ju kim ching I lümlung I kilim alodarü; tüsho I mungthu tüsho I müretah I kiulongthsü müretah thsungkheaknü I kilim jihlo. I yo atorübo tüsho I putungrübonü I yimkhit, I kiulongthsü kurungkheak I lalo, tüsho kheaküshe khide atobo I kilim jihlo.

DANIEL 5:18

O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih.

MATHI 4:8

Kheaküshe arimrinü awung khide achang kheak api bede yü, tüsho alomi kiulongthsübo alala tüsho arü müretahkhi huh.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

ROMRÜ KILIM PAULNÜ ATHRÜTKHI KIHÜM HUHTANYU 9:23

Tüsho apinü api müretah leangkhipü thsakhamkhi api mihmüthsüm kukruk ju apinü isa kheak dungkihkhi muzhomopungkhi api müretah akhiuka huhpü mulong.

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”