ESTER 1:3 - AMÜSÜH HÜM CL Bible (BSI)

³ api kiulongthsü kam asampü kheak thünio ching abukkhüp atorübo, yamlarübo tüsho Persia le Midia bonungrü torübo, kovünorbo tüsho amükheahrü kiulongthsübo chingnü jiyuk,

ESTER 1:3 Iomraidhean Croise

THRÜNTAN 40:20

Kheakü nimung mahsampü ching, Pharao zübe nimung apinü anihbuh yamlarü alala thsungkheak thünio thsakham; tüsho apinü pung-jihrü azopü le yikhap-takrü azopü büne api yamlarübo miki bedarü.

1 KIULONG THSÜRÜ 3:15

Judüki Solomonnü asürü; ju milim khülang lakheah. Apinü taka kingaünkhi tüsho mungtsü kingaün jih tüsho api yamlarübo thsungkheak thünio khülang jih.

EZRA 1:2

“Ha Persia kiulongthsüpuh Sairus yukhüm ah: Atungpuh , yinmi Thrünpuhnü I kilim kiulongthsü alala jihdo, tüsho apinü Juda ching lakhi Jirusalem ching api thsungkheak arüngyam thsüpü I kilim mülüjih.

ESTER 1:14

Arürübo ju, Karshena, Shethar, Admatha, Tarshish, Meres, Marsena tüsho Memukan– harü ha Persia le Midia kiulongthsü ching atorübo ah.

ESTER 1:4

api kiulongthsü mungshimungthu tüsho lakhit huhde nimung chikheak zheahrü mung.

ESTER 2:18

Jushu, kiulongthsüpuhnü Ester akin jihde thünio ato jiyuk. Apinü kiulongthsü alala ching amupü zhiyuk tüsho kiulongthsüpuhnü amulongkhi thülün thsambahbo jih.

ESTER 3:7

Zerzes kiulongthsü thürükheak mahnepü kam, Nisan de ajikhi akhuhbe khinu ching Hamannü rük yimpü nimung akhukhitpü thsungkheak azan thsüpü thiyukhüm jih. Khinu thürükheak mahne, Adar khinu de ajikhi thürükheak mahsampü nimung mokhit.

ISAIA 21:2

I ki michih amuthsuk thaa lah; mülapyukrünü mülapyukchoh, tüsho athsümünimrünü thsümünimchoh. Wutuang, O Elam, yandoang, O Midia; anihbenü thsünüshihkhi alala inü akheam thsüshihbah.

JEREMIA 51:11

Hühzobo züang! Tsungbo thsakhamang! Atungpuhnü Midia kiulongthsürübo me thurumusudo, tümütüsho Babilon dünkheak api lümkhi ju athsümünimpü lah, tümüde ju Atungpuh royimkhi, api arüngyam royimkhi lah.

DANIEL 5:1

Kiulongthsüpuh Belshazzarnü api putungrübo chithürü thsungkheak anioji ato khülang thsakham, tüsho apinü chithürü miki yukhu yungde alakheah.

DANIEL 5:28

P E R E S, nü kiulongthsü chamnakdo tüsho Midiarü le Persiarü kilim jihdo.”

DANIEL 6:1

Dariusnü kiulongthsü kurungkheak kovünor 120, kiulongthsü alala ching zopü mulongkhit,

DANIEL 8:20

Nünü angükhi ajuh mahne kihkhi namfimihnupung thsungkheak ju, harü ha Midia tüsho Persia kiulongthsürübo ah.

MARK 6:21

Judüki Herodnü api zübe thünio ching api yo achangbe atorübo, bonungrü wühkenorübo tüsho Galilee ching adungto mihtsürübo jiyukkhi nimung arü.