EFISIA 6:9 - AMÜSÜH HÜM CL Bible (BSI)

⁹ Aputungrübo, junangde nüsa yamlarübo ki rhimoang. Arü dümüzün, tümütüsho shepü arü le nü Putungrü chidoanü yinmi ching lah, tüsho api kheak jakkheahkhi müla.

EFISIA 6:9 Iomraidhean Croise

NEHEMIA 5:5

Keoniorü Jihudarü nangde isa tüsho isa tsührübo she arü ruk lang ah; tüshe isa tsührübo reangkih-a azhorü kuhi kamshih. Isa tsührü aliberü khürü a azhorü kuhi kamde yinabahdo, tüshe arhokhitlopü thsüde isa kheak süküp müla, tümüde isa lubo tüsho kurungasolubo mührü yo kamabahdo.”

JOB HU H T ANYU 34:19

Shepünü yakzanshuhrübo ki jakmükheahcho, zhochihrü kheaknü alü alarü ki wüntre müjihcho, tümüde arü alala api khah rhimo ah.

MUNGSHIKHÜN 140:12

Atungpuhnü thsünürü thsungkheak thsakhamchoh tüsho zhochihrü thsungkheak thiyuro zochoh de inü mükheahlah.

T H S AN GYU T H S AN GR ARÜ 5:8

Nünü lomi khülang ching zhochihrü junokhi tüsho thiyuro le alungki ahorimüchihkhi ngüsho, ju dünkheak dümüyinsah; tümüde atorü achang ju achangbenü kheahde lah, tüsho kheaküshe ane kurungkheak achangbe lah.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

DANIEL 3:15

Kheakü nüsanü küyimki shihjuh, khungpi, hulipungpung, bingkhung, bingshang, huhpung tüsho khün düsheak aphuaphu sobanü inü athsükhi mejak kingaünpü thsüde khukningpü thsakhama lasho khide tsülah. Tüsho nüsanü ju mükingaünsho, judüchokinü nüsa motru ching ramyukbah. Judüki tümü thrünpuhnü nüsa I khah chingnü khümkhitkhukba?”

DANIEL 3:6

Shepünü mukhukningba tüsho mükingaünbanü judüchokinü motru ching jipyukbah.”

LEVI 19:13

Nü yamhingrü düjuno; nünü düjangkhijangra; tüsho rhimorü mihkhahmo nü thsungkheaknü yapsu khiungde düzo.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 22:10

Junangde yamlarübonü kiudunglimrobo ching yü tüsho arünü angükhi amütsü tüsho atsü chido rukhüh bemukhung. Tüsho arhangrü yam ju hanrünü mide kam.

MATHI 22:8

Judüki apinü ayamlarübo ki tha, “Arhangrü thünio thsakhambah lah, tüshe sherübo jiyukkheanü müthülünde alakheah.

MATHI 24:48

Tüshe ju yamlarü mihbukmuyuk lasho tüsho nihbuh küdahnü, ‘I putungrü arüpü ruhde lah’ de thasho,

MATHI 24:51

api adütre kamde akhapnakbah tüsho yiuhkhaprü lung chamyukjihbah. Ju ching atripkhi tüsho hü mütrütkhi labah.

MATHI 7:12

Jumonü tümüpürü mihtsürübonü nü ki rhimoshihnelanü, arü ki she rhimoang, tümüde ha yakzan tüsho wukihrübonü thsangyukhibo lah.

LUKNÜ ATHRÜTKHI THIYUSHEAK-ATSÜ HUHTANYU 6:31

Mihtsürübonü nü ki rhimoshihpü nünü alümkhi nangde arü ki she rhimoang.

JOHAN 13:13

Nüsanü I ki thsangyurü tüsho Atungpuh de jichoh, tüsho nüsanü dükde thachoh, tümüde I ju ruk ah.

YUNIRÜBO RHIMO 10:34

Peternü api mün khimshuh tüsho tha: “Tsükjide Thrünpuhnü jakmükheah de inü mütsanlah,

ROMRÜ KILIM PAULNÜ ATHRÜTKHI KIHÜM HUHTANYU 2:11

Tümüde Thrünpuhnü jakkheahkhi muhuhchoh.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

1 KORINT 7:22

Tümüde shepü azhorü thsüde Atungpuhnü ajikheanü Atungpuh zuzu mihtsürü ah. Junangde ajichoki shepü zuzu lakheanü Khrista yo azhorü ah.

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

KOLOSI 3:25

Tümüde amülim rhimorü ki, apinü amülim rhimokhi dün jihlobah, tüsho jakkheahkhi müla.

KOLOSI 4:1

Aputungrübo, nüsa she yinmi ching Aputungrü khülang lah de mükheahbah nüsa yamlarübo ki alungkinü tüsho tsüde mütrüang.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

JAKOB 2:8

Nüsanü atsütsü amüsühyu yande, “Nünü nü yamhingrü ki nihbuh nangde muzhoang,” dükhi kiulongthsü yakzan rhimochosho, tsüde rhimochoh.

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.

1 SAMUEL 15:17

Samuelnü tha, “Nü ju nü mük ching aninikhüh thsüa lalashe, nü Israel trükbo kurungkheak aku khülang yung de? Atungpuhnü nü Israel kurungkheak kiulongthsürü thsüshihpü mujude-mokhitkhi yung de?