EFISIA 6:5 - AMÜSÜH HÜM CL Bible (BSI)

⁵ Yamlarübo, Khrista ki nangde trede tüsho ajande, mulong khülangnü nüsa alomi putungrübo ki mihyuaniang;

EFISIA 6:5 Iomraidhean Croise

THRÜNTAN 16:9

Judüki Atungpuh yunirünü alibe ki tha, “Nü putungbe kilim alode yüang tüsho anihbe bukkhüp laang.”

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

MUNGSHIKHÜN 123:2

Kheahang, yamlarünü arü putungrü khah kheahkhi nangde, yamlaberünü nihbe putungbe khah kheahkhi nangde, api amüthsüm isa kheak mülayi khiungde Atungpuh isa Thrünpuh kheak isa mükbonü kheahchoh.

MUNGSHIKHÜN 86:11

I ki nü limro thsangyuang, O Atungpuh ; inü nü thiyuro ching tsahbah; nü mung trepü thsüde I mulong arihshang.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MATHI 6:22

“Mük ju pang yo tsün ah. Jumonü nü mük tsüde lasho, nü pang alala ayinnü mide alabah.

MATHI 6:24

“Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

MATHI 8:9

Tümüde I she I kumung atorü bukkhüp lakhi mihtsürü khülang, tüsho I bukkhüp bonungrübo lah. Inü khülang ki, ‘Yüang,’ de thasho api yüchoh, tüsho khülang ki, ‘Arang,’ de thasho api arüchoh. Inü I yamlarü ki, ‘Ha rhimoang,’ de thasho apinü rhimochoh.”

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

ROMRÜ KILIM PAULNÜ ATHRÜTKHI KIHÜM HUHTANYU 9:3

Tümüde I keoniorü, I buhtsührü, I mihtsürü dünkheaknü I muthrumüneana tüsho Khrista kheaknü chamkhia lah de inü lüm.

1 KORINT 2:3

Tüsho I nüsa lung ayiuhyiuhkhi, trede tüsho ajankhi ching lakheah;

1 KORINT 7:22

Tümüde shepü azhorü thsüde Atungpuhnü ajikheanü Atungpuh zuzu mihtsürü ah. Junangde ajichoki shepü zuzu lakheanü Khrista yo azhorü ah.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 7:15

Tüsho nüsa alalanü mihyuanide, trede tüsho ajande api leangkhikhi lümkhitchoki apinü nüsa muzhokhi atobe kamchoh.

EFISIA 5:22

Niuberübo, Atungpuh ki nangde nüsa niubuhrü bukkhüp laang.

EFISIA 6:24

Isa Atungpuh Jisu Khrista atsütsünü amuzhorü alala kilim amüthsüm laang.

FILIPI 2:12

Jumonü amuzho müyamrübo, nüsanü kamruhroro mihyuanikhi nangde kheaküshe I lachoki lang yung tüshe alü thsüde I mülachoki trede tüsho ajande nüsa akhümkhit rhimokhitang;

PHILEMON 1:16

kheaküa azhorü yung tüshe azhorü kheaknü alübe, adungto thsüde I ki amuzhokhi keoniorü lah tüshe shih tüsho Atungpuh lung nü ki küdükhüh laba.

JIHUSUA 24:14

“Jumonü Atungpuh wüntreang, tüsho rhüngrhüngde tüsho thiyuronü api tankihang; nüsa jipürünü ke thripkhüh tüsho Ijip ching kingaünkhi thrünpuhbo bahkhiang tüsho Atungpuh tankihang.

1 PETER 3:2

tümütüsho nüsa yakli küdükhüh atsangkhit a tüsho wüntrebe lanü arünü angübah.