EFISIA 6:4 - AMÜSÜH HÜM CL Bible (BSI)

⁴ Buhrübo, nüsa tsührübo bukakhiukpü thsüde düthürüh, tüshe adanyukkhi tüsho Atungpuh thsangdankhi ching arü mütrükhitang.

EFISIA 6:4 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

1 KIUTHSÜYUKHEAN 28:20

Davidnü kheaküshe api tsührü Solomon ki tha, “Reangzahang, tüsho tsüde mulong toang, tüsho rhimoang. Dütre yungsho mulong dünini: tümüde Atungpuh Thrünpuh, I Thrünpuh, nü lung lah. Atungpuh yam ching arüngako rhimo alala mübanyi khiungde apinü nü müdükhe yungsho nü mübahyuk.

1 KIUTHSÜYUKHEAN 29:19

I tsührü Solomon kilim nü yukhümbo, nü kiuthsü yukhüm, nü yakzan thsükhibo alala yande, inü tsanglunga lakhi arüngyam thsüpü thiyuro lümkhi jihang.”

MÜCHITMUDU 19:18

Nü tsührü danyukang, tümüde ju ching mulonglam lah; api thsümünimpü kheak nü mulong düzojih.

MÜCHITMUDU 22:15

Makhakhi ju azürü mulong ching rhükkih-a lah, tüshe adanyukbe tsonü api kheaknü limshude tsoshihchoh.

MÜCHITMUDU 22:6

Azürü khülang ju api yüpü limro ching thsangyukhitang, tüsho küyimki api azorü kambanü ju chingnü müchamkhi.

MÜCHITMUDU 29:15

Tso tüsho athürühkhinü lümlung jihchoh, tüshe azürü khülang aküdah thsüde zojihsho anihbuh abe kilim achih handarüchoh.

MÜCHITMUDU 29:17

Nü tsührü thsülangang, tüsho apinü nü sühakhim jihbah; apinü nü me asühpü jihbah.

ISAIA 38:19

Arhang larünü nü ki makshe jihchoh, inü khihni rhimokhi nangde; buhrübonü tsührübo ki nü thiyuro dünkheak mükheahshihchoh.

EFISIA 6:3

“Junangde nüsa tsüde alabah tüsho alomi ching kutsüp ashang labah.”

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

YUZÜNGTHALO 6:7

nüsanü jurü nüsa tsührübo ki düshihde athsangyubah, tüsho nüsa thüyam ching binchoki, limro tsahchoki, ayapchoki, tüsho awusuchoki thabah.

KOLOSI 3:21

Buhrübo, nüsa tsührübo bukdakhiukshih, jude yungsho arü mulong ninide akambah.

2 TIMOTHI 1:5

Nü ji Lois tüsho nü be Euni büne akin nangde nü akin düküngde alakhi inü lümkhitchoh, tüsho kheakü nü kheak lah de inü kinlah.

2 TIMOTHI 3:15

tüsho nü azüchokinü Jisu Khrista kheak kinkhi hode akhümkhit lim bepü lümlung jihkhukpü amüsühyubo nünü mükheahlah de nünü lümkhitang.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

MAHKHAPRÜ 13:12

Tüsho Manoanü tha, “ Kheakü nü yubo dünjishang! Azübuh rhangdung yakli tüsho api rhimo tümü laba?”