EFISIA 6:23 - AMÜSÜH HÜM CL Bible (BSI)

²³ Abuh Thrünpuh tüsho Atungpuh Jisu Khrista kilimnü mungtsü tüsho akin bede amuzho lashang.

EFISIA 6:23 Iomraidhean Croise

THRÜNTAN 43:23

Tüshe apinü tha, “Nüsa tümü müthsü, dütre. Nüsa le nüsa abuh Thrünpuhnü nüsa shungliu-qiuqiubo ching nüsa kilim rahpung yukjihdo; nüsa sho a le inü ludo.” Jushu apinü arü kilim Simeon bede akhiuk.

JOHAN 14:27

Inü nüsa lung mungtsü zojihchoh, I yo mungtsü inü nüsa kilim jihchoh; alominü ajihkhi yung nangde inü nüsa kilim jihchoh. Nüsa mulong düthsümünim, yungsho dütre.

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

ROMRÜ KILIM PAULNÜ ATHRÜTKHI KIHÜM HUHTANYU 15:33

Mungtsü Thrünpuh nüsa alala lung laang. Amen.

1 KORINT 1:3

Isa Abuh Thrünpuh tüsho Atungpuh Jisu Khrista kilimnü nüsa kilim amüthsüm tüsho mungtsü lashang.

2 KORINT 13:11

Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

GALATIA 6:16

Ha yuzüng hode atsahrü alala, Thrünpuh mihtsürübo kheak mungtsü tüsho mihmüthsüm laang.

EFISIA 6:24

Isa Atungpuh Jisu Khrista atsütsünü amuzhorü alala kilim amüthsüm laang.

1 TESALONIKA 5:8

Tüshe isa ju animung yo a le, isanü rhüngrhünganü, tüsho akin tüsho amuzho treangkhümbe yihanü, tüshe akhümkhit mulonglam thsungkheak yinchikuthran thrananü.

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

2 TESALONIKA 3:16

Kheakü mungtsü Atungpuhnü kim tüsho limro alala ching nüsa kilim mungtsü jihshang. Atungpuh nüsa alala lung laang.

1 TIMOTHI 1:14

Jisu Khrista ching akin tüsho amuzho kheak khiode Atungpuh amüthsüm I kheak suhdahde dungkihjih.

1 TIMOTHI 1:3

I Macedonia lim yüde alachoki nü ki tuthsukkhi nangde inü nü Efisia ching lashihnelah. Ju ching mihtsürü khürünü arükchih kingaünyakzan thsangyuchoh tüsho nünü arü tukloshihpü thiyukhüm jihbeah,

1 TIMOTHI 5:8

Khürünü nihbuh buhtsührü khung mükümsho, apinü akin thsunglochoh tüsho amükinrü kheaknü amütsübe ah.

1 PETER 5:14

Khristan amuzho mün müthsüpkhinü khülangnü khülang salüm jihachihang. Khrista ching lakhi nüsa alala kilim mungtsü laang.

3 JOHAN 1:14

inü nahde nü shorupü mulonglam lah, tüsho ike mironü miro asukachihbah.

AMIKHEAKAKHIUKKHI 1:4

Johan kilimnü, Asia ching lakhi borü thüne kilim: Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang,

1 SAMUEL 25:6

Nüsanü api ki ha ruk akin jihang: ‘Nü mungtsü laang, tüsho nü yamkhün ching mungtsü laang, tüsho nü lakhi alala ching mungtsü laang.