EFISIA 6:19 - AMÜSÜH HÜM CL Bible (BSI)

¹⁹ I thsungkheak she tamkhüntamnüjang, junangde thiyusheak-atsü mulong tode azhiyukpü I mün khimshuhkhi ching thiyusheak jihbah,

EFISIA 6:19 Iomraidhean Croise

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 14:3

Jumonü ane ki amüyinsahbe tüsho khinthiyinbe rhimopü amüthsüm yusheak adüngakhi jihbuh Atungpuh thsungkheak anenü mulong tode thade kim ashang la.

YUNIRÜBO RHIMO 18:26

Apinü mulong tode sinagog ching thapü tankih; küyimki Priscilla le Aquila bünenü api dünkheak sokhea, anenü thüyam ching bede yübah Thrünpuh limro alü thsüde api ki lungkide thanaka huh.

YUNIRÜBO RHIMO 19:8

Apinü sinagog ching yüzah tüsho Thrünpuh kiulongthsü thsungkheak khinu mahsam mulong tode tüsho kukde atsangachih;

YUNIRÜBO RHIMO 2:4

Tüsho arü alala Amüsüh Menü mide kam tüsho Menü athakhukshihkhinü püpürü yutha chingnü athapü tankih.

YUNIRÜBO RHIMO 28:31

Mulong tode tüsho müdukiuhlode apinü Thrünpuh kiulongthsü thsangyuthsangra tüsho Atungpuh Jisu Khrista dünkheak thsangyu.

YUNIRÜBO RHIMO 4:13

Küyimki arünü Peter le Johan mulong tokhi ngükhea, tüsho ane amümükheahrü, mihtsürü dümung kheahkhitkhea, arünü müyinsah; tüsho ane Jisu lung lade arüa lah de mütsan.

YUNIRÜBO RHIMO 4:29

Atungpuh, arünü amüzünkhi kheakü mükheahjang tüsho nü yamlarübonü khide mulong tode nü yubo thakhukshang.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

YUNIRÜBO RHIMO 9:27

Tüshe Barnabanü api bea lubah amüsühthsangyurübo kilim arü, tüsho apinü Damaska limro kheak anihbuh ki asukbuh Atungpuh ngükhi tüsho Jisu mung chingnü mulong tode Damaska ching thsangyuthsangrakhi thaa huh.

YUNIRÜBO RHIMO 9:29

Atungpuh mung ching mulong tode thsangyuthsangra. Apinü Greek-yu tharü Jihudarü azhihde tha; tüshe arünü api laksahpü yim.

ROMRÜ KILIM PAULNÜ ATHRÜTKHI KIHÜM HUHTANYU 15:30

Keoniorübo, I thsungkheaknü Thrünpuh kilim nüsa tamkhüntamnü ching I lung arihpü isa Atungpuh Jisu khrista tüsho Me amuzho hode inü nüsa ki tuthsukchoh,

ROMRÜ KILIM PAULNÜ ATHRÜTKHI KIHÜM HUHTANYU 16:25

Isanü Thrünpuh kilim müretah jihanü! Jisu Khrista dünkheak inü nüsa ki thiyusheak atsü thsangyuthsangrakhi tüsho ahokhi lün ashang rama lakhi thiyuro amikheak akhiukkhi yande apinü nüsa akin ching düküngde azhipshihpü kuklah.

1 KORINT 1:5

Tümüde Khrista lung arihkhi ching, thiyutha tüsho mükheahmudu bede lüpdükhi ching nüsa alarü kamdo.

1 KORINT 2:7

Tüshe isanü aramyu tüsho rama lakhi Thrünpuh lümlung, isa müretahpü lünbo müngüh Thrünpuhnü athsakhamkhi isanü tha.

1 KORINT 4:1

Hanangde mihtsürübonü isa ju Khrista yamlarü tüsho Thrünpuh aramyu atoathüprü khejihbeah.

2 KORINT 1:11

Nüsanü she tamkhüntamnü hode isa rungbeah, junangde ahihkhühnü tamkhüntamnü alojihde isa ki müngühmühi mülüjihkhi thsungkheak isa thsung thsüde ahihkhühnü makshe jihbah.

2 KORINT 3:12

Tümütüsho isa hadürü mulonglam lakhinü, isa khide mulong tolah.

2 KORINT 6:11

Korintrübo, nüsa kilim isanü khuhlangde thado; isa mulong mülihde khimshuhlah.

2 KORINT 7:4

Inü nüsa kheak mulongram ato lah; nüsa hode kükheangkhi ato lah; I a sühakhimnü mide lah. Isa thsünü alala ching I khide asühdo.

2 KORINT 8:7

Tüshe nüsa lüpdükhi–akin ching, thiyu thapü ching, mükheahmudu ching, künsahkhi ching, tüsho isa muzhokhi ching suhdahkhi nangde amüthsüm ching she suhdahpü thsang.

EFISIA 1:9

Tüsho Khrista ching apinü alümkihkhi atsü yande api aram lümkhi isa ki mükheahshih,

EFISIA 3:9

tüsho lüpdükhi thrünrü Thrünpuh kheak lünbo ching rama lakhi aramyu lümkhi mihtsürü alalanü angüshihpü lakheah;

KOLOSI 2:2

junangde dükde anikhitkhi lakhitbo tüsho Thrünpuh mükheahmudu aramyu, Khrista lapü arü amuzho ching rukhüh kamkhinü arü mulong toshihbah.

KOLOSI 4:3

I küpü dünkheak rihyam ching la, Khrista aramyu khipkhitpü thiyusheak thsungkheak Thrünpuhnü ripit khimshuhpü isa thsungkheak she tamkhüntamnüjang,

1 TESALONIKA 2:2

tüshe isa Filipi ching küpkhukde achih ngüa lalashe, azhihkhi ato mikhuh ching Thrünpuh thiyusheak-atsü nüsa ki khipkhitpü isa Thrünpuh kheak isa mulong tode alakheah de nüsanü mükheahlah.

1 TESALONIKA 5:25

Keoniorübo, isa thsungkheak tamkhüntamnüjang.

2 TESALONIKA 3:1

Akheam ching keoniorübo, isa thsungkheak tamkhüntamnüjang, junangde nüsa lung rhimokhi nangde Atungpuh yu nahnahde abubah tüsho wüntrede akambah,

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

PHILEMON 1:22

Kheaküshe, I thsungkheak khiungshak thsakhamang, tümüde nü tamkhüntamnü hode nü kilim arülopü inü mulonglam lah.

IBRI 13:18

Isa thsungkheak tamkhüntamnüjang, tümüde lüpdükhi ching wüntre lade arhimopü mulongde isa lümkhi müsühlah de isanü mütsanlah.