EFISIA 6:1 - AMÜSÜH HÜM CL Bible (BSI)

¹ Azürübo, nüsa berübuhrü ki mihyuaniang, tümüde ha alungki lah.

EFISIA 6:1 Iomraidhean Croise

THRÜNTAN 28:7

tüsho Jakobnü abuh le abe yu ani; tüsho Paddan-aram lim yü.

THRÜNTAN 37:13

Tüsho Israelnü Josep ki tha, “Nü khiung pürübo Shekem ching namfimihnubo kümchoh yung de? Arang, inü nü arü kilim yüshihanü.” Jumonü api ki alo, “I ha kheak lah.”

THRÜNTAN 48:12

Judüki Josepnü api mukhukbo kinü ane beakhin, tüsho apinü amiro alo lim thsübah khukning.

THRÜNTAN 50:12

Jumonü apinü arü ki thiyukhüm jihkhi nangde atsührübonü rhimo.

NEHEMIA 9:13

Nü yinmi chingnü Sinai Müzüng kheak aki; nünü nü mihtsürü ki asukachih tüsho thiyuro yuzüng, yakzan, tüsho thiyukhümbo jih.

ESTER 2:20

tüshe Esternü a ju kim khiungde anihbe trük tüsho amihtsürü mümükheahshih, tümüde Mordekai nü azüki she ki she dütha de athakhi mihyu ani.

JOB HU H T ANYU 33:27

Apinü mihtsürübo kheahbah thachoh, “Inü neak yihbeak, tüsho alungki lakmih tüsho ju I kilim müjihlo.

MUNGSHIKHÜN 119:128

Jumonü lüpdükhi thsungkheak nü yukhüm alala alungki de inü lümchoh; amülim limro alala inü thraneanlah.

MUNGSHIKHÜN 119:75

O Atungpuh , nü mahkhapkhibo alungki ah de inü mükheahlah, junangde thiyuro lakhi ching nünü I thsünüshih.

MUNGSHIKHÜN 19:8

Atungpuh yakzanbo alungki ah, mulong asühshihchoh; Atungpuh yukhümbo atsangkhitkhi, mükjibo yinshihchoh;

MÜCHITMUDU 1:8

I tsah-a, nü buhnü thsangdankhi aniang, tüsho nü benü thsangyukhi dübahyuk;

MÜCHITMUDU 23:22

Nü zübekhi nü buh ki aniang, tüsho nü be ashinberü kamchoki mükhemükim düthsü.

MÜCHITMUDU 30:11

Mihtsürü khürü arü buhrü athruajirü tüsho arü berü mümüngühjihrü lah.

MÜCHITMUDU 30:17

Shepünü nihbuh abuh luhmünechonü yungsho shina lachoki abe mükhemükimbanü müleangtopübo yungsho khüyakbonü api mükjibo mukiukhita tsühabahbah.

MÜCHITMUDU 6:20

I tsah-a, nü buh yukhümbo zoang, tüsho nü be yakzan dübahyuk.

JEREMIA 35:14

Rekab tsührü Jonadabnü api tsühsoniuso kilim yukhu muyungpü thiyukhüm jihkhi anido; tüsho arünü khihni khiungde muyung, tümüde arünü arü jipürü yukhüm anido. Tüshe inü nüsa ki alochode asuk, tüshe nüsanü I yu mani.

JEREMIA 35:18

Tüshe Rekabrü yamkhün ki Jeremianü tha: Wuto Atungpuh , Israel Thrünpuhnü ha thachoh: Tümütüsho nüsanü nüsa jipürü Jonadab yukhüm anido, tüsho apinü thsangdankhi alala yando, tüsho apinü thiyukhüm jihkhi alala rhimodo,

JEREMIA 35:8

Rekab tsührü isa jipürü Jonadabnü isa ki thiyukhüm jihkhi lüpdükhi isanü anido. Isa yungsho isa niuberü yungsho isa tsührübo le tsührübebonü isa nimungbo ching yukhu muyungchoh,

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

LEVI 19:3

Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.

LUKNÜ ATHRÜTKHI THIYUSHEAK-ATSÜ HUHTANYU 2:51

Tüsho apinü arü lung Nazareth lim alode yü, tüsho arü ki mihyuanide alakheah; tüsho abenü harü alala mulong ching zo.

ROMRÜ KILIM PAULNÜ ATHRÜTKHI KIHÜM HUHTANYU 12:2

Ha lomi yakli yande düla tüshe nüsa lümkhi aso kamde thsüphuloang, junangde nüsanü Thrünpuh lümkhi tümü atsü a, aleangkhikhukbe a tüsho khiukdahkhi lanü amütsanbah.

ROMRÜ KILIM PAULNÜ ATHRÜTKHI KIHÜM HUHTANYU 16:2

Amüsührünü arhimopü thülünkhi ching, Atungpuh mung chingnü nüsanü alibe leangkhiang, tüsho nüsa kilimnü yihnüpü tümüpürü labanü anihbe rungang, tümüde alibenü ahihkhüh kilim tüsho I she rungde arüdo.

ROMRÜ KILIM PAULNÜ ATHRÜTKHI KIHÜM HUHTANYU 7:12

Jumonü yakzan ju amüsüh tüsho thiyuzüng ju amüsüh, thiyuro ju atsü ah.

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

YUZÜNGTHALO 21:18

“Mihtsürü khülang tsührü mihmukhiuh tüsho azhihrü, danyukyuk she berü buhrü yu manirü lasho,

1 TIMOTHI 5:4

Khimoberü ju tsührübo yungsho tsührü tsührübo lasho, akhuhde yambuk thsungkheak akin rhimo arünü anikhitshang, tüsho arü bebuhrü kilim tümüanü jihloshang, tümüde ha Thrünpuh asühbe lah.

1 PETER 2:13

Atungpuh thsülimnü nüsanü mihtsürü thiyukhüm-sühmüh aban bukkhüp laang: thiyukhüm-sühmüh atobe kiulongthsürü,

RUTH 3:5

Ruthnü alo, “Nünü athakhi alala inü arhimobah.”

1 SAMUEL 17:20

Davidnü yapsu mükikde asürübah namfimihnu ju aneakrü ki zojih, tüsho tsühyungbe lubah Jessenü thiyukhüm jihkhi nangde yü. Bonungrübo keochihpung ching ahode ayüchoki api ju binkheampung ching arü.