EFISIA 5:5 - AMÜSÜH HÜM CL Bible (BSI)

⁵ Müzammüram, amümüsüh mihtsürü, yihnelunerü (sangthsü kingaünrü) sheshe Khrista tüsho Thrünpuh kiulongthsü ching yamrüplurüp müla de mütsanang.

EFISIA 5:5 Iomraidhean Croise

ABEKHIT 20:17

“Nünü nü yamhingrü yam dülune; nünü nü yamhingrü niuberü, ayamlarü, ayamlaberü, api moshipung, donki yungsho api lakhi tümü dülune.”

YUNIRÜBO RHIMO 20:32

Kheakü inü nüsa zokihshihpü tüsho tsangkhita larü alala bolung yamrüplurüp lupü api amüthsüm kilim shuhmülanga jihchoh.

YUNIRÜBO RHIMO 8:21

Nü ha ching bepü yungsho shihcham müla, tümüde nü mulong ju Thrünpuh miki alungki yung.

GALATIA 5:19

Kheakü shih rhimo mütsande lah: müzammüram, mümüsühkhi, yüliyürakhi,

GALATIA 5:21

lungkhangkhi, müshangmuru, amakham adanasün, tüsho judürü püpübo. Shepünü hadürü rhimochonü Thrünpuh kiulongthsü yamrüplurüp mulu de püpüki nangde inü nüsa ki thachoh.

EFISIA 5:3

Tüshe nüsa bolung müzammüram tüsho mümüsühkhi alala yungsho yihnelune athashe müthabeah, tümütüsho amüsührü bolung ju maye.

KOLOSI 1:13

Apinü amiting yakzan shuhkhi chingnü isa bekhit tüsho apinü muzhokhi tsührü kiulongthsü ching beakhinjih,

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

1 TIMOTHI 6:10

Tümüde sho muzhokhi ju amütsü alala yo aying ah; ha künkhi hode khürü akin chingnü bephülapde tsodo tüsho hihde dukmüsüpkhinü arü mulongbo chinkhitdo.

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

JIHUSUA 7:21

Isanü ayankhikhi kukruk bolung thsünü akheahakham Babilon shulünkhim ching kheahshe, shotoyinchi khahngak 2, tüsho suna yinchibo khahngak 1 bande mürühde angümonü inü ludo. Jurübo I yo khimyam alunglim shotoyinchinü khimbah kiua ramlah.”

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.