EFISIA 5:25 - AMÜSÜH HÜM CL Bible (BSI)

²⁵ Niubuhrübo, Khristanü borü muzhode anihbe thsungkheak api jihkhi nangde nüsa niuberübo muzhoang,

EFISIA 5:25 Iomraidhean Croise

THRÜNTAN 2:24

Jumonü athrürünü nihbuh abuh tüsho abe zojihbah niuberü lung thsürua labah, tüsho ane shihphü khülang kambah.

THRÜNTAN 24:67

Judüki Isaknü alibe ju abe Sara khimyam ching bede yüzah; apinü Rebeka bea lu tüsho aniube kam, tüsho apinü anihbe muzho. Jumonü abe sheabah dunglim Isak mulong shukheam.

2 SAMUEL 12:3

tüshe zhochihbuh ju a apinü athulokhi namfimihnunu dre anikhüh khülang lang alakheah. Apinü ju mütrümusu, tüsho api le atsührübo lung asürü; anihbuh jim tsüh, apung chingnü yung, tüsho akhüh kheak yap, tüsho api tsührü nangde alakheah.

KHÜNBOLUNGKHÜN 1:11

Isanü nü khilim shotoyinchinü amükhipbe thsübah suna nüpübo thsüjihbah.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

JOHAN 6:51

I ju yinmi chingnü akikhi rhangdung tsühyungbe. Khürünü ha tsühyungbe tsühsho api lünnü alabah, tüsho inü alomi rhangdung thsungkheak jihpü lakhi yikhap ju I shih.”

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

GALATIA 1:4

shepünü isa Thrünpuh tüsho Abuh lümkhi yande ha amütsü lün chingnü isa zuzu kamshihpü isa neakbo dünkheak api jihabah;

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

EFISIA 5:24

Borü ju Khrista bukkhüp lakhi nangde, niuberübonü she lüpdükhi ching niubuhrü bukkhüp labeah.

EFISIA 5:28

Junangde niubuhrübonü nihbuh pang nangde arü niuberübo muzhobeah. Shepünü niuberü muzhochonü nihbuh muzhochoh.

EFISIA 5:33

tüshe nüsa mihbüm abannü nihbuh nangde niuberü muzhobeah, tüsho niuberünü nihbe niubuhrü muzhobeah.

KOLOSI 3:19

Niubuhrübo, nüsa niuberübo muzhoang, tüsho arü kheak müküpde düla.

1 TIMOTHI 2:6

apinü kim dükdü ching thiyumütsan jihde mihtsürü alala rhokhitpü anihbuh jih.

1 PETER 3:7

Niubuhrübo, junangde nüsa niuberü lung anikhitkhinü laang, tüsho reangmüzahkhi nüsa atrurü tüsho nüsa lung shoto rhangdung thsambah yamrüplurüp lurü nangde arü ki akin jiang, junangde nüsa tamkhüntamnü tümünü she müzhipdo.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,