EFISIA 5:24 - AMÜSÜH HÜM CL Bible (BSI)

²⁴ Borü ju Khrista bukkhüp lakhi nangde, niuberübonü she lüpdükhi ching niubuhrü bukkhüp labeah.

EFISIA 5:24 Iomraidhean Croise

ABEKHIT 23:13

I Atungpuhnü nü ki thakhi lüpdükhi aniang. Püpürü thrünpuhbo ki dütamkhüntamnü; arü mungbo she dütha.

ABEKHIT 29:35

“Inü nü ki thiyukhüm jihkhi lüpdükhi ayannü nimung thüne lude Aron tüsho api tsührübo amüsühtsangkhit rhimoang.

LUKNÜ ATHRÜTKHI THIYUSHEAK-ATSÜ HUHTANYU 10:17

Judüki 72nü asühde alodarüde tha, “Atungpuh, nü mung chingnü amünean mebonü she isa ki anido.”

EFISIA 5:23

Khrista ju api pang borü aku tüsho akhümkhitrü thsükhi nangde, niubuhrü ju niuberü kumung aku ah.

EFISIA 5:25

Niubuhrübo, Khristanü borü muzhode anihbe thsungkheak api jihkhi nangde nüsa niuberübo muzhoang,

EFISIA 5:33

tüshe nüsa mihbüm abannü nihbuh nangde niuberü muzhobeah, tüsho niuberünü nihbe niubuhrü muzhobeah.

KOLOSI 3:20

Tsührübo, lüpdükhi ching nüsanü berübuhrü ki mihyuaniang, tümüde hanü Atungpuh asühshihchoh.

KOLOSI 3:22

Yamlarübo, lüpdükhi ching nü yo aputungrübo ki mihyuaniang; arünü nü kheahde alachoki tüsho arünü amuzhoshihpü lang yung, tüshe mulong jihde tüsho Atungpuh wüntrede ju rhimoang.

TITA 2:7

Lüpdükhi ching atsü rhimode arü ki amütsan huhang. Nü thsangyukhi ching thiyuro mulong jihkhi

TITA 2:9

Yamlarübonü arü putungrü bukkhüp lapü tüsho lüpdükhi ching reangkeamde wüntre jihpü thsangdanang; arünü thiyu malolobeah,