EFISIA 5:15 - AMÜSÜH HÜM CL Bible (BSI)

¹⁵ Lümlung mülarü yung tüshe lümlung larü mihtsürü nangde, nü künangde tsahchonü kümkangde kheahang,

EFISIA 5:15 Iomraidhean Croise

2 SAMUEL 24:10

Tüshe ju dunglim, David mulong thsümünim tümütüsho apinü mihtsürübo wühkhe lu. Davidnü Atungpuh ki tha, “Inü arhimokhi ching neak tode yihbeakdo. Tüshe kheakü, O Atungpuh , inü nü ki tamkhüntamnüchoh, nü yamlarü neak bahjang; tümüde inü bünkeangbünrude rhimodo.”

JOB HU H T ANYU 2:10

Tüshe apinü anihbe ki tha, “Mudukmüke liberü nangde nünü thachoh. Isanü Thrünpuh khah chingnü atsü leangkhibah amütsü müleangkhiba de?” Ha alala ching Jobnü amün hode neak müyihbeak.

MUNGSHIKHÜN 73:22

I khide makhaa tüsho tümü yak mümükheahde alakheah; I nü miki shiwüh khülang ruk lakheah.

ABEKHIT 23:13

I Atungpuhnü nü ki thakhi lüpdükhi aniang. Püpürü thrünpuhbo ki dütamkhüntamnü; arü mungbo she dütha.

MÜCHITMUDU 14:8

Lümlung larü rükri ju nihbuh limro anikhitpü lah, tüshe makharü mudukmükekhi ju bemüchihkhi lah.

MÜCHITMUDU 15:21

Lümlung mülarünü arü makhakhi kheak asühchoh, tüshe anikhitkhi mihtsürünü lungkide tsahchoh.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

MATHI 25:2

Kheakü arü 5 lümlung larü, tüsho 5 lümlung mülarü lakheah.

MATHI 27:24

Küyimki Pilatnü tümü müthsükhukde boto arhunganim tankihkhi ngükhea, apinü ke lubah boto miki akhah mütsakde tha, “Thiyuro mihtsürü thiyih bukkhi I amülim müla. Ju nüsa küdah thsang!”

MATHI 27:4

Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”

MATHI 8:4

Tüsho Jisunü api ki tha, “Aniang, nünü she ki dütha; tüshe nü limro ching yüang, amükeamrü ki nü huhang, tüsho Mosa yukhüm yande arü ki mütsan thsüpü thsambah jihang.”

LUKNÜ ATHRÜTKHI THIYUSHEAK-ATSÜ HUHTANYU 24:25

Judüki apinü ane ki tha, “O makharübo, tüsho wukihrü alalanü athakhi kinpü müniokheamkhi mulong!

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

GALATIA 3:1

O makhakhi Galatiarü! Nüsa mük ki Jisu Khrista yümkihkhi mütsande ngübahle shenü nüsa bephülapkhea?

GALATIA 3:3

Nüsa khide makhaa la de? Me kheaknü tankih dunglim mihtsürü khuksahkhinü nüsa mükkheahkih khiungpü mürangcho de?

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

EFISIA 5:33

tüshe nüsa mihbüm abannü nihbuh nangde niuberü muzhobeah, tüsho niuberünü nihbe niubuhrü muzhobeah.

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

KOLOSI 1:9

Jumonü isanü ju sokhi nimungnü, me lümlung tüsho anikhitkhi alala ching api lümkhi mükheahmudunü nüsa mide akampü keokhide nüsa thsungkheak tamkhüntamnüpü isanü anüzhak müthsü,

KOLOSI 4:5

Nü kim tsüde ahoride, amükinrü ki lümlung lade rhimoang.

1 TESALONIKA 5:15

Nüsa shenü she amütsü müthri amütsü müjihlopü mütsanang, tüshe kamruhroro khülangnü khülang tüsho alala ki atsü rhimopü yimang.

1 TIMOTHI 6:9

Tüshe sherünü alarü kampü künchonü rükaki ching, azheang ching tüsho makhade mihtsürü thokheambe tüsho athsümünimbe ahihdo ching yüzahchoh.

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

JAKOB 3:13

Nüsa bolung shepü lümlung tüsho anikhitkhi la? Api rhangdung atsü hode azhihayih lümlung chingnü api rhimobo huhshang.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.