EFISIA 5:1 - AMÜSÜH HÜM CL Bible (BSI)

¹ Jumonü amuzhokhi tsührübo nangde Thrünpuh kheahkhirü thsang.

EFISIA 5:1 Iomraidhean Croise

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

LEVI 11:45

Tümüyungde I nüsa Thrünpuh thsüpü thsüde, nüsa Ijip lo chingnü bekhitbuh Atungpuh ah; jumonü nüsa müsühde laang, tümütüsho I amüsüh ah.

MATHI 5:45

junangde nüsa ju yinmi ching nüsa Abuh tsührübo thsübah. Apinü amütsü tüsho atsü kheak ani akhiuk-shihchoh, tüsho thiyuro-lungkirü le thiyuro-mülungkirü kheak tsüng arüshihchoh.

MATHI 5:48

Jumonü yinmi ching nüsa Abuh khiukdahkhi nangde nüsa khiukdahde laang.

JOHAN 1:12

Tüshe api leangkhirü ahihkhüh kilim, api mung ching kinrü kilim she apinü Thrünpuh tsührü kampü alim jih:

EFISIA 4:32

tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

FILIPI 2:15

junangde nüsa areak mükihde tüsho amülim mülade, ha akhürang tüsho bephülap lün ching Thrünpuh tsührübo thsüde, arü bolung alomiküp ching ayin nangde tahde,

KOLOSI 3:12

Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang,

1 JOHAN 4:11

Amuzho müyamrübo, Thrünpuhnü junangde isa muzhokheasho, isanü she khülangnü khülang muzhoachihbeah.