EFISIA 4:9 - AMÜSÜH HÜM CL Bible (BSI)

⁹ (Api wutukhi amütsan tümü a? Ha amütsan akhuhde api alomi abobe ching aki.

EFISIA 4:9 Iomraidhean Croise

THRÜNTAN 11:5

Tüshe mihtsürü tsührübonü athsükhi kiuto tüsho rünchang kheahpü Atungpuh aki.

MUNGSHIKHÜN 139:15

Küyimki I robo I be nuyam ching düshihde keakrude akamkhea, küyimki I ajik ching zode asürükhea, I ju ching lakhi nünü ngü–

MUNGSHIKHÜN 63:9

Tüshe sherünü I rhangdung thsümünimpü yimchonü, alo asük ching yüzahbah.

MUNGSHIKHÜN 8:5

Tütüshe nünü api yunirübo kheaknü anükhüh abobe thrünjih, tüsho müretahkhi tüsho wüntrenü api ku thranjih.

ABEKHIT 19:20

Judüki Sinai Müzüng mujuk kheak Atungpuh aki. Atungpuhnü müzüng mujuk kheak Mosa ji tüsho Mosanü wutu.

MÜCHITMUDU 30:4

Shepü yinmi ching yükihbah akilokhea? Shepünü amüyi ching apung zhimkhea? Shepünü khim chingnü ke dümkhea? Shepünü lomi aredungbo thsüjihkhea? Nünü mükheahlasho, api mung she a, tüsho api tsührü mung she a?

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

EZEKIEL 31:14

Jumonü keyean sangbonü nihbuh küdah thsüde müshangkihlo, amobo hode mushuhkih. Ke tsüde aduhkhi sang tümü she ha ruk achangkhi mukhiung; tümüde arübo alokhün ching yüzahrü, ashepü mihtsürü lung shepü arübo akhua lah.

MATHI 12:40

Nimung mahsam tüsho tsüngre mahsam Jona thüngüh buk ching lakhi nangde, Mihtsürü Tsührü nimung mahsam tüsho tsüngre mahsam alo alunglim labah.

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

JOHAN 3:13

Mihtsürü Tsührü yinmi chingnü akikhi kheak hode shenü she yinmi ching müyükihyi.

JOHAN 6:33

Tümüde Thrünpuhnü ajihkhi yikhap ju yinmi chingnü akichoh tüsho alomi ching rhangdung jihchoh.”

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

JOHAN 6:41

Jihudarünü neangneangde api azhih, tümütüsho apinü tha, “I ju yinmi chingnü akikhi tsühyungbe ah.”

JOHAN 6:51

I ju yinmi chingnü akikhi rhangdung tsühyungbe. Khürünü ha tsühyungbe tsühsho api lünnü alabah, tüsho inü alomi rhangdung thsungkheak jihpü lakhi yikhap ju I shih.”

JOHAN 6:58

Nüsa jipürünü sunglo ching manna tsühbah shea lakhi ruk yungde, ha yinmi chingnü akikhi yikhap ah. Shepünü ha yikhap tsühbanü lünnü alabah.”

JOHAN 6:62

Dale tüsho Mihtsürü Tsührü akhuhlim api lapung yükihde nüsanü ngükhülaa küde?

JOHAN 8:14

Jisunü arü ki alo, “Inü I küdah thsüde thiyumütsan thsüthsü she, I thiyumütsan thiyuro ah tümüde I küchingnü arükhea tüsho I küching yüchonü inü mükheahlah; tüshe I küchingnü arücho tüsho I küching yüchonü nüsanü mümükheah.

IBRI 2:7

Nünü api yunirübo kheaknü anükhüh abobe thsüde thrün; nünü api müretah tüsho wüntre thranjih,

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.